An Roinn Ealaíon, Spóirt agus Turasóireachta

An Roinn Ealaíon, Spóirt agus Turasóireachta

AN DARA TUARASCÁIL BHLIANTÚIL

2004

Ábhar Uimh. Lth.

Ráiteas Misin 3

An Brollach leis an Aire 4

Réamhrá an Ard-Rúnaí 7

Forléargas ar 2004 9

Dul chun cinn i Spriocanna na Turasóireachta 21

Dul chun cinn i Spriocanna na nEalaíon agus na bhForas Cultúrtha 29

Dul chun cinn i Spriocanna an Spóirt 38

Forbairt Eagraíochtúil sa Roinn 42

Aguisíní

1. Turasóireacht 50

2. Na hEalaíona agus na Forais Chultúrtha 54

3. Spórt 58

4. Forbairt Eagraíochtúil 62

5. Tuairisc Airgeadais 70

6. Struchtúr na hEagraíochta 73

7. Briseadh síos na Foirne de réir Gráid agusInscne 74

8. An Clár Caipitil Spórt – Leithroinnt 2004 76

9. Tuarascáil Bhliantúil ar Shaoráil Faisnéise 95

An Roinn Ealaíon, Spóirt agus Turasóireachta

MISEAN

"Is é misean na Roinne tacú le dul chun cinn náisiúnta geilleagrach, sóisialta agus cultúrtha agus caighdeán saoil shochaí na hÉireann a shaibhriú trí thurasóireacht inbhuanaithe a chur chun cinn; trí bharr feabhais a spreagadh i ngnóthachtálacha spóirt agus ealaíonta; an teacht ar spórt agus ar na healaíona a éascú a thuilleadh; agus trí bhuanchoimeád ár n-oidhreachta cultúrtha"

An Brollach leis an Aire

Is breá liom an deis a bheith agam an dara tuarascáil seo ar ar bhain an Roinn Ealaíon, Spóirt agus Turasóireachta amach agus a chlúdaíonn an bhliain féilire 2004, a chur i láthair.

D’éirigh le mo Roinn sa tréimhse sin dul chun cinn suntasach a dhéanamh sna tiomantais a bhí tugtha aici d’earnálacha na n-ealaíon, an spóirt agus na turasóireachta mar atá leagtha amach i gClár Comhaontaithe an Rialtais, sa Phlean Forbartha Náisiúnta, 2000-2006 agus in “Dul Chun Cinn a Inbhuanú” – An Comhaontú Comhpháirtíochta Sóisialta, 2003-2005.

Tháinig a thuilleadh borrtha fós sna sála ar an dul chun cinn a tharla sa turasóireacht in 2003, tar éis ar bhain de dheacrachtaí agus de dhúshláin di sna blianta roimhe sin. Meastar gur tháinig sé mhilliún go leith cuairteoir go hÉirinn in 2004 agus gur tuilleadh breis is €4 bhilliún dá mbarr; ardú 6% é sin ar bhuaicfhigiúr na bliana 2000. Fágann na figiúirí sin, le cois an €1 billiún d’ioncam a chruthaíonn Éireannaigh sa turasóireacht ag baile, go bhfuil tionscal thurasóireacht na hÉireann, a bhfuil luach €5 bhilliún air, ar an earnáil seirbhísí intrádála is mó atá ag Éirinn ar na margaí idirnáisiúnta.

Cuireann an straitéis nua atá leagtha amach i dTuarascáil Ghrúpa Athbhreithnithe Pholasaí na Turasóireachta roimpi an t-ioncam as an turasóireacht a dhúbailt faoi 2012, agus líon na gcuairteoirí ón iasacht chun na tíre seo, agus chuig na réigiúin tearcfhorbartha go háirithe, a ardú go mór. Cheap mé grúpa ardleibhéil chun maoirseacht a dhéanamh ar an straitéis nua go luath sa bhliain 2004 agus chuir an Grúpa a chéad tuarascáil ar dhul chun cinn faoi mo bhráid i mí Lúnasa.

Chuir an bhliain 2004 tús le hoscailt oifigiúil mhargadh ollmhór turasóireachta na Síne d’Éirinn nuair a síníodh an conradh stairiúil – An Comhaontú um Stádas do Cheann Scríbe Ceadaithe – idir údaráis turasóireachta na hÉireann agus na Síne, i gCaisleán Bhaile Átha Cliath sa Bhealtaine.

D’imir an tSín príomhpháirt chomh maith in imeachtaí ealaíon agus cultúir mo Roinne in 2004 bliain

inar tharla a oiread sin gníomhaíochta is nach bhfacthas a leithéid riamh i gcúrsaí na n-ealaíon idirnáisiúnta. Ba shamhail iad Féilte na hÉireann-na Síne a bhí ar bun ar feadh an chuid ba mhó den bhliain 2004 ar an malairt chultúrtha ba mhó inar ghlac Éire páirt riamh taobh amuigh den Eoraip.

Bhain Clár Cultúrtha ar éirigh go hiontach leis le hUachtaránacht na hÉireann ar an Aontas Eorpach. Rinne an clár ceiliúradh ar bhallraíocht na ndeich mBallstát nua le sraith d’ócáidí ealaíon agus cultúrtha ag baile agus thar lear, agus Ceiliúradh Céad Bliain Bloomsday orthu sin. Cuireadh straitéis nua le chéile chomh maith in 2004 chun ealaíona agus ealaíontóirí Éireannacha a chur chun cinn thar lear.

Leanadh den tacaíocht don fhorbairt bhreise ar na Forais Chultúrtha Náisiúnta in 2004 trí ollchlár d’infheistíocht chaipitil ina leagtar béim ar shaoráid Ard-Mhúsaem na hÉireann i nDún Uí Choileáin agus Leabharlann Náisiúnta na hÉireann i Sráid Chill Dara, dhá fhoras ar éirigh leo stádas cuideachtaí féinrialaitheacha a bhaint amach in 2005.

Gné thábhachtach i gClár an Rialtais is ea go leanfaí de mhaoiniú na spórt agus go spreagfaí rannpháirtíocht in imeachtaí spóirt. Measann an Rialtas go bhfuil an caiteachas ar spórt tábhachtach ní amháin do shláinte, d’fholláine, d’fhorbairt shóisialta, chultúrtha agus phearsanta daoine aonaracha ach freisin go bhfuil sé tábhachtach d’fhorbairt shóisialta agus gheilleagrach na tíre.

Ba €113 milliún iomlán an mhaoinithe don spórt don bhliain 2004. Rinneadh seo a riar trí bhuiséad bliantúil Chomhairle Spórt na hÉireann agus chlúdaigh sé raon de shaoráidí spóirt go háitiúil, go réigiúnach agus go náisiúnta agus limistéir faoi bhuntáiste san áireamh. Leithdháileadh €61 milliún de seo ar 738 tionscadal spóirt ar fud na tíre faoin gClár Caipitil Spórt. Leithdháileadh suas le €331 milliún ar 4271 tionscadal faoin gClár ó 1997 i leith. Ba €13 milliún buiséad Chomhairle Spórt na hÉireann in 2000, an chéad bhliain iomlán ina raibh sí ag obair. Ardaíodh é sin go €30.7 milliún in 2004.

Bheartaigh an Rialtas, sa bhliain 2004, maoiniú a chur ar fáil chun athfhorbairt ollmhór a dhéanamh ar Staidiam Bhóthar Lansdúin agus moltaí a lorg maidir leis an gcampas spórt i mBaile an Aba a fhorbairt.

Cuireadh an líon ab airde de dheontais ar fáil i gcomhair linnte snámha chomh maith in 2004 agus dúblaíodh an caiteachas faoi chlár na Linnte. Caitheadh €17.6 milliún in 2004, an tsuim ab airde go dtí sin, i gcomparáid le €9 milliún in 2003.

Chuir an Rialtas rialacháin i bhfeidhm chun an teorann a bhí le Ciste Rásaíocht Chapall agus na gCon a ardú ó €254 milliún go €550 milliún agus chun an Ciste a choinneáil ar oscailt ar feadh ceithre bliana eile go dtí 2008, d’fhonn a chinntiú go mbeidh ar chumas earnálacha na gcapall agus na gcon tionscnaimh mhóra forbartha a chríochnú sa tréimhse suas go dtí 2008.

Bunaíodh ceithre Chomhpháirtíocht Áitiúla Spórt, leis, sa bhliain 2004 do Chiarraí, do Chill Chainnigh, do Mhaigh Eo agus don Iarmhí chun tacú le forbairt na spórt go háitiúil. Is sé déag líon iomlán na n-ionad comhpháirtíochta atá sa tír anois. Tá athbhreithniú neamhspleách coimisiúnaithe ag mo Roinn ar oibríocht na gcomhpháirtíochtaí seo agus ba chóir go mbeadh sé sin críochnaithe in 2005.

Is iomaí ní atá bainte amach i ngach aon cheann de na hearnálacha ó bunaíodh mo Roinn in 2002 agus is mian liom buíochas a ghlacadh le gach aon duine atá ar an bhfoireann as cuidiú leis an obair. D’fhoilsigh mo Roinn Ráiteas nua Straitéise i mBealtaine 2005 chun forbairt a dhéanamh ar a bhfuil bainte amach agus chun cur leis. Tá clár an-leathan oibre ann do 2005-2007 agus obair ar dhílárú na Roinne go Cill Airne san áireamh. Táim ag tnúth le bheith i mbun ceannródaíochta mar pholaiteoir, ar an gclár seo agus le bheith ag obair leis an Ard-Rúnaí, le foireann uile na Roinne agus a Forais agus a Gníomhaireachtaí gaolmhara, chun an t-ionchur leanúnach a bhíonn againn i gcur chun cinn geilleagrach, sóisialta agus cultúrtha shochaí na hÉireann agus saibhriú an chaighdeáin saoil, a bhrú chun cinn.

John O'Donoghue T.D.

Aire Ealaíon Spóirt agus Turasóireachta

Réamhrá an Ard-Rúnaí

Seo í an dara tuarascáil bhliantúil ar dhul chun cinn ón Roinn Ealaíon, Spóirt agus Turasóireachta, a bhunaigh an Rialtas i Meitheamh na bliana 2002. B’iomaí ní a bhain leis an misean agus leis na spriocanna uaillmhianacha a bhí leagtha síos i gcéad Straitéis an Roinne, a foilsíodh i mí Iúil 2003, a cuireadh i gcrích in 2004.

Leanann an Roinn de bheith ag neartú na mbealach ar leith atá ag gach aon cheann dá trí earnáil chun tionchar a imirt ar chaighdeán saoil mhuintir na hÉireann. Ó tharla gur thugamar an dúshlán na hearnálacha ealaíon, spóirt agus turasóireachta a thabhairt le chéile in aon aonán corparáideach amháin tá aidhmeanna uaillmhianacha curtha romhainn againn sa dara Ráiteas Straitéise dár gcuid, a foilsíodh níos túisce i mbliana, chun polasaithe, cláir agus gníomhaíochtaí a fhorbairt a thuilleadh chun teacht le pleananna an Rialtais rud a fheabhsóidh agus a shaibhreoidh saol geilleagrach agus sóisialta ár muintire go léir.

Tá borradh fós faoin turasóireacht, agus tacaíocht aici ó raon de pholasaithe agus de chláir Rialtais, agus fágann an méadú i bhfigiúirí na gcuairteoirí agus an t-ardú san ioncam go bhfuil sí ar cheann de na tionscail is mó atá againn. Is bonn d’fhorás leanúnach inbhuanaithe feidhmiú céimneach na straitéise níos leithne atá i dTuarascáil “Fís Nua” Ghrúpa Athbhreithnithe Pholasaí na Turasóireachta atá faoi mhaoirseacht an ghrúpa ardleibhéil feidhmiúcháin, chomh maith le margaí nua a bheith á n-oscailt d’Éirinn. Thacaigh Rannóg Turasóireachta na Roinne go gníomhach leis na tionscnaimh seo agus chuir sí an fhrámaíocht polasaí agus maoinithe d’obair na bpríomhghníomhaireachtaí turasóireachta – Tourism Ireland agus Fáilte Ireland – ar fáil.

Tréimhse tháirgiúil ghnóthach ab ea í chomh maith don Rannóg Ealaíon agus na bhForas Cultúrtha a raibh an Clár Cultúrtha d’Uachtaránacht na hÉireann ar an AE, Féilte na Síne agus Féile Rejoyce faoina cúram agus a chion féin a dhéanamh ag gach ceann díobh sin chun ealaíona agus ealaíontóirí na hÉireann a chur os comhair an tsaoil thar lear. Rinneadh dul chun cinn ar an bpleanáil do stádas féinrialaitheach don Leabharlann Náisiúnta agus don Ard-Mhúsaem agus bhí toradh rathúil ar an obair in 2005.

Rinne an Rannóg Spórt leibhéal ardaithe maoinithe a riar ar na cláir tacaíochta éagsúla, a leanann i mbun forbartha ar na spóirt, na saoráidí fóillíochta agus an t-infreastruchtúr atá againn. Thángthas ar chinntí ar phríomhpholasaithe maidir le forbairt saoráidí staidiaim agus spórt ar Bhóthar Lansdúin agus i mBaile an Aba.

Nuair a bhí dea-obair Aonaid Tacaíochta na Seirbhísí Corparáideacha maidir le maoirseacht a dhéanamh ar bhunú na Roinne nua in 2002 agus 2003 curtha i bhfeidhm lean na hAonaid den obair ag cinntiú go raibh lántacaíocht le fáil chun misean agus freagrachtaí na Roinne a chur i gcrích.

Mar fhocal scoir ba mhaith liom mo bhuíochas a ghlacadh leis an Aire as a spreagadh agus a thréantacaíocht as cuspóirí na Roinne a bhrú chun cinn agus ba mhaith liom mo bhuíochas a ghlacadh leis an bhfoireann ag gach leibhéal sa Roinn as a dúthracht, a gairmiúlacht agus a díograis, na príomhthréithe a chinntigh gur éirigh leis an Roinn a haidhmeanna a chur i gcrích go rathúil sa bhliain 2004.

Philip Furlong

Ard-Rúnaí

Forléargas ar 2004

Turasóireacht

Is í tionscal na turasóireachta an earnáil seirbhísí intrádála is mó atá ag Éirinn ar mhargaí idirnáisiúnta anois. Meastar go dtagann 6.5 milliún cuairteoir ón iasacht go hÉirinn in 2004 – 6% níos mó ná an líon ab airde riamh a sroicheadh in 2000. Tháinig breis is €4 bhilliún isteach ó thuilleamh airgeadraí a bhí cruthaithe ag na cuairteoirí seo agus b’ionann sin agus leath de luach na n-onnmhairí a thuill na cuideachtaí déantúsaíochta uile faoi úinéireacht Éireannach. Leis sin agus le cois an €1 billiún d’ioncam a chruthaíonn Éireannaigh sa turasóireacht ag baile, is tionscal atá i dturasóireacht na hÉireann anois a bhfuil luach €5 bhilliún air.

Léiríonn meastacháin do 2004 ón bPríomh-Oifig Staidrimh gur tháinig méadú foriomlán 3.2% ar líon na gcuairteoirí ón iasacht thar mar a bhí sa tréimhse chéanna in 2003 agus gur tháinig ardú 0.4% ar ioncam. Tharla athrúcháin shuntasacha i ngníomhú na margaí éagsúla. Léiríonn figiúirí an taistil fadchúrsa go bhfuil an margadh ag teacht chuige féin le méadú 8% ar chuairteoirí ó Mheiriceá Thuaidh agus méadú 27% ar chuairteoirí ón gCuid eile den Domhan. Bhí gníomhú comhiomlán mhargadh Mhór-Roinn na hEorpa deimhneach le forás 7%, beagnach, faoi i dtéarmaí líon cuairteoirí de. Comhréidh a bhí gníomhú mhargadh na Breataine, an margadh is mó atá ag Éirinn, le titim imeallach 1% faoi i dtéarmaí líon cuairteoirí de, i gcomparáid le figiúirí 2003.

Ba í an phríomhfhorbairt a tharla in 2004, ó thaobh téarmaí polasaí de, gur cheap an tAire grúpa ardleibhéil chun maoirseacht a dhéanamh ar fheidhmiú an chéad Phlean Ghnímh chéimnigh, dhá bhliain, don Turasóireacht, mar a leagadh síos i dTuarascáil Ghrúpa Athbhreithnithe Pholasaí na Turasóireachta dar teideal "Fís Nua don Turasóireacht in Éirinn: Clár Oibre don Chur i nGníomh", a foilsíodh i Meán Fómhair 2003. Leagtar straitéis nua don tréimhse 2003-2012, amach san athbhreithniú lena n-áirítear sraith nua de spriocanna agus ina measc tá: ioncam ón iasacht a dhúbailt go €6 bhilliún in 2012; 10 milliún cuairteoir ón iasacht a thabhairt isteach faoi 2012; agus turasóirí so-mhargaíochta (.i. iad siúd gur dóigh gur orthu ba mhó a rachadh gníomhaíochtaí margaíochta i gcion) chuig Réigiún na Teorann agus an Lár-Iarthair, a dhúbailt (ó 0.8 milliún nó níos lú ná 30% de thurasóirí dá leithéid go 1.6 milliún).

Fuair an Grúpa Feidhmiúcháin amach ina chéad tuarascáil ar dhul chun cinn, a foilsíodh i Lúnasa 2004, go raibh dul chun cinn maith déanta i bhfeidhmiú an Chlár Oibre ach gur bhain na réimsí sin de ab fhearr a chruthaigh le gníomhaíochtaí riaracháin agus comhordaithe – de réir mar a thosaigh na príomhghníomhairí ag ullmhú chun an straitéis nua a chur i bhfeidhm. Ba iad na réimsí ba lú a ndearnadh dul chun cinn iontu ag an am sin na sainréimsí a bhféadfaí an "fíorgheilleagar" a thabhairt orthu agus tá na gnéithe sonracha a chuireann bac ar fhorbairt thurasóireacht na hÉireann ann fós – áirítear ina measc gan Lár-Ionad Náisiúnta Comhdhála a bheith ann, an gá atá le huasghrádú a dhéanamh ar ghréasáin na mbóithre náisiúnta agus na mbóithre nach bóithre náisiúnta iad, go háirithe ag na pointí rochtana agus an mhoill a bhain le príomh-shaincheisteanna i gcúrsaí eitlíochta (ina measc an Comhaontú Déthaobhach idir Éirinn/Na Stáit Aontaithe agus an dara críochphort ag Aerfort Átha Cliath) a bhrú chun cinn.

An gearradh iomaíoch atá faoi Éirinn a choinneáil sa siúl go hidirnáisiúnta an príomhdhúshlán atá romhainn amach. Cé gur lean na huimhreacha agus an t-ioncam orthu ag ardú go ginearálta sna blianta seo caite, fiú agus géarchéimeanna áirithe idirnáisiúnta ag tarlú, tá an bhéim mhéadaithe atá á cur ag tomhaltóirí atá ag éirí níos airdeallaí de réir a chéile ar luach ar airgead tar éis tionchar a imirt ar thorthaí an tionscail. Sa chomhthéacs sin tá moilliú tar éis teacht ar an ráta ag ar fhás an t-ioncam i gcoinne an fháis fhoriomláin i líon na gcuairteoirí sa dá bhliain dheireanacha. Beidh na gníomhaireachtaí turasóireachta agus an tionscal, araon, dírithe go príomha ar an bpointe ar ardú sa líon cuairteoirí ón mBreatain, an margadh is mó fós atá ag Éirinn, a dhaingniú.

Ba í 2004 an chéad bhliain iomlán ina raibh an tÚdarás Náisiúnta Forbartha Turasóireachta, Fáilte Ireland, ag obair. Tá an ghníomhaireacht chomhnasctha seo tiomanta táirge agus seirbhís den scoth, an dá phríomhghné sa taithí a bhíonn ag cuairteoirí in Éirinn, a chur ar fáil. Leanann sé de bheith ag obair go dlúth leis an tionscal agus is chuige a iompaítear chun tacaíocht straitéiseach agus phraiticiúil a fháil chun Éire a fhorbairt agus a choinneáil mar cheann scríbe turasóireachta iomaíoch d’ardchaighdeán.

Tá dul chun cinn suntasach bainte amach faoin Scéim Forbartha um Tháirge Turasóireachta mar gur tosaíodh ar dheontais a fhaomhadh de thoradh na mionmheastóireachta agus na hoibre measúnaithe a éilíodh faoi théarmaí an Achta. Bhí faomhadh tugtha ag na Boird neamhspleácha Bainistíochta Tionscadal do dheontais arbh fhiú díreach os cionn €31.6 milliún san iomlán iad maidir le 44 tionscadal ar fud na tíre go dtí deireadh na bliana 2004. D’iarr an tAire ar Fáilte Ireland, i mí na

Nollag 2004 tairiscint a iarraidh maidir lena thuilleadh tograí infheistíochta faoi chatagóir na gcaitheamh aimsire sainspéise d’fhonn an úsáid ab airde a bhaint as airgead a bhí ar fáil faoin Scéim Forbartha um Tháirge Turasóireachta. Tá sé i gceist go dtacódh an €12 milliún den chiste táscach deontas atá le leithroinnt idir réigiúin na Teorann agus an Lár-Iarthair agus réigiúin an Deiscirt agus an Oirthir le hinfheistíocht i gcaithimh aimsire mar chúrsaí eachaíochta, rothaíocht agus siúlóid, Gairdíní Breátha, sainghníomhaíochtaí allamuigh, turasóireacht bunaithe ar an uisce agus turasóireacht dírithe ar an tsláinte. Ba é an 28 Feabhra 2005 an dáta deiridh a raibh Fáilte Ireland ag glacadh le foirmeacha líonta ina mbeadh mionsonraí faoi na tograí.

Tá soláthar Lár-Ionad Náisiúnta Comhdhála aonfheidhme ar cheann de phríomhthosaíochtaí an Rialtais don Turasóireacht. Rinneadh dul chun cinn maith i rith na bliana 2004 maidir leis na socruithe mionsonraithe do Chomhpháirtíocht Phríobháideach Phoiblí chun an ghné ríthábhachtach seo a chur ar fáil in infreastruchtúr na turasóireachta in Éirinn. D’eisigh Oifig na nOibreacha Poiblí cáipéisíocht mhionsonraithe tairisceana chuig na trí fheadhnacht a bhí ar an ngearrliosta, i mí na Nollag 2004. Táthar ag súil gur féidir cuideachta tairisceana tosaigh a roghnú go deireanach sa samhradh 2005 ach dóthain am caidrimh leis na cuideachtaí tairisceana a bheith ann.

Is gné thábhachtach agus thairbheach de tháirge thurasóireacht na hÉireann í gnó na comhdhála idirnáisiúnta agus na gcruinnithe corparáideacha. Tá Lár-Ionad Náisiúnta Comhdhála riachtanach roimh ré sula dtosaítear ar earnáil na turasóireachta gnó, ar fiú €250 milliún sa bhliain í do gheilleagar na hÉireann, a leathnú amach. Tá sé mar thosaíocht fós ag an Aire agus ag an Roinn an tionscadal seo a chur i gcrích a luaithe is is féidir é.

Príomhghné thábhachtach i gcumas thionscal thurasóireacht na hÉireann a bheith san iomaíocht ar an margadh turasóireachta domhanda is ea fáil a bheith ar lucht oibre ardoilte agus scil aige. Lean Fáilte Ireland, i rith na bliana 2004, de bheith ag cur na turasóireachta chun cinn mar ghairm bheatha céad rogha chomh maith le cláir a chur ar fáil agus a fhorbairt chun caighdeán ardseirbhíse agus gairmiúlachta a ardú in earnáil na turasóireachta. Chuir Fáilte Ireland ionann is 11,000 duine faoi oiliúint agus bhí béim níos mó ar chabhair a chur ar fáil chun an leibhéal scileanna agus cumas an tionscail a fheabhsú. Thacaigh an tÚdarás leis an tionscal ó thaobh cumas bainistíochta a fhorbairt i réimsí mar íomaíochas costais, forbairt acmhainní daonna, margaíocht agus airgeadas. Rinne sé infheistíocht shuntasach i bhforbairt fiontar; agus le deireanas chuir sé bailchríoch ar straitéis iomlán chun acmhainní daonna a fhorbairt sa tionscal agus freisin ar phlean mionsonraithe náisiúnta

earcaíochta chun aghaidh a thabhairt ar dhúshláin na hearcaíochta agus na coinneála i dtionscal na turasóireachta.

Tá Tourism Ireland agus Fáilte Ireland ag obair go dlúth leis an tionscal agus ag an am céanna ag díriú na hinfheistíochta ar phríomhréimsí mar ríomh-mhargaíocht, forbairt táirgí, bainistiú Acmhainní Daonna agus scaipeadh réigiúnach. Ó thaobh an éilimh de táthar tar éis díriú ar fhoinse na bpríomh-mhargaí d’Éirinn mar shampla an Bhreatain agus Mór-Roinn na hEorpa maidir le taighde agus forbairt margaíochta ionas go gcinnteofar go leanfaidh a n-infheistíocht maidir le ceann scríbe agus le feachtais mhargaíochta táirge de bheith ábhartha agus éifeachtach.

Forbairt eile sa bhliain 2004 a bhfuil tábhacht fhadtéarmach níos mó léi, ab ea oscailt oifigiúil mhargadh ollmhór na Síne d’Éirinn le síniú an chomhaontaithe stairiúil – An Comhaontú um Stádas do Cheann Scríbe Ceadaithe, idir údaráis turasóireachta na hÉireann agus na Síne i gCaisleán Bhaile Átha Cliath i mí na Bealtaine.

Cuireadh bailchríoch ar Athbhreithniú ar Pholasaí agus ar Fheidhmiú Thurasóireacht na hÉireann don OECD sa bhliain 2004 freisin, athbhreithniú a fuair formhuiniú deimhneach ó Choiste Turasóireachta an OECD.

Ealaíona, Scannán & Ceol

Tugann An tAcht Ealaíon, 2003 an sainmhíniú seo ar na healaíona

" ... aon léiriú cruthaíoch nó mínitheach (cibé acu traidisiúnta nó comhaimseartha), cibé cén leagan atá air, agus a bhfuil na healaíona amhairc, an amharclannaíocht, litríocht, ceol, damhsa, ceoldrámaíocht, scannánaíocht, an sorcas, agus ailtireacht, i gceist go háirithe leis, agus a chuireann aon mheán eile san áireamh fad is gur faoi chomhair na gcuspóirí seo a úsáidtear é.”

Sainmhíniú an-leathan is ea é seo as a bhfuil sé le tuiscint gur do gach aon duine na healaíona agus go bhfuil cuimsiú seachas eisiamh ag gabháil leo. Tá tacaíocht an Rialtais do na healaíona bunaithe

ar an réamhleagan go mbíonn tionchar deimhneach an-sonrach ag na healaíona ar gach duine, beagnach, sa tír.

Tharla a oiread gníomhaíochta in 2004 is nach bhfacthas a leithéid riamh i gcúrsaí na n-ealaíon idirnáisiúnta. Ba shamhail iad Féilte na hÉireann-na Síne ar an malairt chultúrtha ba mhó inar ghlac Éire páirt riamh taobh amuigh den Eoraip. Bhain ócáidí ealaíon agus cultúrtha ag baile agus thar lear leis an gClár Cultúrtha in onóir Uachtaránacht na hÉireann ar an Aontas Eorpach, agus bhí siad mar cheiliúradh ar bhallraíocht na ndeich mBallstát nua. Chuir an Roinn, freisin, a cur chuige don todhchaí i dtoll a chéile i ndáil le cur chun cinn na n-ealaíon agus na n-ealaíontóirí Éireannacha ag baile agus thar lear.

Sheol an tAire an Clár Cultúrtha d’Uachtaránacht na hÉireann ar Chomhairle an Aontais Eorpaigh i mí Eanáir 2004. B’iontach an deis a chuir leathnú na hEorpa, le linn Uachtaránacht na hÉireann ar an Aontas Eorpach, ar fáil chun ábharthacht na hEorpa a chur trasna ar mhuintir na hÉireann agus chun ealaíona agus cultúr na hÉireann a chur ar taispeáint ar fud an Aontais. Bhí an Clár Cultúrtha ar cheann de ghnéithe lárnacha Uachtaránacht na hÉireann agus rinne an Clár ceiliúradh ar bhallraíocht na 10 mballstát nua san Aontas Eorpach trí raon leathan d’ócáidí galánta agus spleodracha in Éirinn, sa Bhruiséil agus trí chamchuairteanna chuig na ballstáit nua san AE agus ar ais uatha.

Bhí flosc ag baint leis an gcuid sin den chlár ar ‘Lá na bhFáiltí’ nuair a chuir cathair nó baile mór éigin in Éirinn ‘fáilte’ ar leith isteach san Aontas Eorpach roimh cheann amháin de na Ballstáit nua. Ba é seo lá mór an deireadh seachtaine náisiúnta ceiliúrtha don deich mbaile mhóra nó cathair agus iad ag reáchtáil ‘mionfhéilte’ difriúla mealltacha. Thug cúpla céad ealaíontóir Éireannach cuairt ar an gCipir, ar Phoblacht na Seice, ar an Eastóin, an Ungáir, an Laitvia, an Liotuáin, Málta, an Pholainn, an tSlóvaic agus an tSlóivéin chomh maith leis an mBruiséil agus an dá iarrthóir, an Bhulgáir agus an Rúmáin i dtréimhse sé mhí Uachtaránacht na hÉireann. Bhain na mílte as na tíortha sin taitneamh as saothar amharcealaíontóirí, damhsóirí, scríbhneoirí agus cuideachtaí neamhspleácha amharclainne agus as ensemble agus scothcheoltóirí traidisiúnta, raic agus clasaiceacha.

Ócáid mhór sa tír féin agus fiú go hidirnáisiúnta ab ea ceiliúradh Céad Bliain Bloomsday lá a raibh tacaíocht nár bheag faighte aige ón Roinn.

Sheol an tAire an clár d’Fhéilte Cultúrtha na Síne/na hÉireann i mí Márta 2004. D’eascair an t-ollchlár malartaithe cultúrtha idir Éirinn agus an tSín as comhaontú a síníodh nuair a thug an Príomh-Aire Premier Zhu Rongji cuairt ar Éirinn in 2001. Comhthuiscint idir an dá náisiún a fheabhsú cuspóir an mhalartaithe agus dá bhrí sin réitíonn sé an bhunchloch do thuilleadh caidreamh cultúrtha, oideachais, sóisialta agus trádála idir an dá thír. Bhí an Fhéile Éireannach sa tSín ar siúl i mBéising agus i Shanghai i rith mhí na Bealtaine agus an Mheithimh.

Chuir an clár Éireannach an éagsúlacht agus an saibhreas a bhaineann le cultúr na hÉireann i láthair lucht féachana sa tSín thar thréimhse dhá mhí. Bhí roinnt mhaith de na healaíontóirí agus de na heagraíochtaí, seanbhunaithe agus atá ag teacht chun cinn agus is fearr in Éirinn, ag cur raon de shaothair éagsúla ealaíon i láthair sa tSín i rith na Féile. Ina theannta sin chuir an clár roimhe caidrimh a bhunú ar bhonn níos fadtéarmaí lena gcomhghleacaithe agus lena macasamhla sa tSín. Chuige sin bhí méid áirithe de chomhoibrithe agus de chomhpháirtíochtaí ar leith le healaíontóirí agus le forais Síneacha san áireamh sa chlár malartaithe cultúrtha.

Ba mhalairt ar an gclár Éireannach Féile Ealaíon agus Chultúr na Síne a reáchtáladh ina dhiaidh sin in Éirinn. Cuireadh clár fíorleathan d’ealaíona agus de chultúr traidisiúnta agus comhaimseartha na Síne i láthair lucht féachana in Éirinn agus ba í sin an chéad uair a raibh a fhormhór sin le feiceáil in Éirinn go dtí sin. Orthu sin bhí Ensemble Cnagcheoil Shanghai, Áras Ceoldrámaíochta Phéicing as Béising ar a bhfuil cáil dhomhanda agus taispeántas d’ealaín chomhaimseartha na Síne.

Reáchtáil an Roinn seimineár i gCill Airne, ar an 11-12 Márta 2004, mar chuid de chlár Uachtaránacht na hEorpa, ag ar labhair saineolaithe faoi pháirt na litríochta mar mhodh chun bonn a choinneáil faoin éagsúlacht chultúrtha agus theangeolaíoch. D’fhreastail lear mór de shaineolaithe agus de lucht déanta polasaithe ar an seimineár seo agus leag sé béim ar roinnt príomhábhar arbh fhiú do Chomhairle Eorpach a thuilleadh plé a dhéanamh orthu. D’fhreastail 74 duine as 25 tír ar an seimineár. D’éirigh leis an seimineár seo béim a leagan ar a thábhachtaí is atá an litríocht mar mhodh chun teangacha Eorpacha a chaomhnú agus an éagsúlacht chultúrtha a chosaint.

Tá forbairt shonrach chaipitil ag tarlú ar fud na tíre maidir le saoráidí ealaíon agus cultúrtha. Tá 44 saoráid dá leithéid á soláthar faoin scéim ACCESS ar chostas €45.7 milliún. Áirítear músaeim, ionaid ilchuspóireacha ealaíon agus amharclanna ina measc seo. Tá go leor díobh seo á gcur chun cinn ag pobail áitiúla.

Tá earnáil scannán na hÉireann ar leibhéal chomh hard anois is gur féidir leis an bpearsanra agus leis na saoráidí atá againn na caighdeáin idirnáisiúnta is airde a bhaint amach. Tá Bord Scannán na hÉireann ag leanúint ar aghaidh leis an obair ag gach céim de dhéantús na scannán in Éirinn, ó phointe tosaithe na gairme sa scannánaíocht go dtí an pointe a mbaintear cáil idirnáisiúnta amach. Tá an Bord freagrach freisin as margaíocht a dhéanamh ar Éirinn mar ionad do léirithe idirnáisiúnta; bíonn buntáistí geilleagracha leis seo agus lena chois sin cuireann sé deiseanna tairbheacha agus taithí ar fáil do dhaoine a mbíonn baint acu le scannáin na hÉireann. Tá tábhacht ar leith mar sin sa chomhthéacs seo, leis an síneadh a cuireadh le halt 481 maidir le faoiseamh cánach go dtí 2008, a d’fhógair an tAire Airgeadais ina óráid faoin mbuiséad i mí na Nollag 2003, agus le hardú sa tsuim a d’fhéadfaí a bhailiú ón mbliain 2005. Féadfaidh an earnáil a haghaidh a thabhairt go muiníneach an athuair ar an todhchaí anois agus a cumas a thabhairt go barr foirfeachta sna blianta atá amach roimpi.

Lean an Roinn ar feadh na bliana dá tacaíocht maidir lena thuilleadh forbartha ar Fhorais Chultúrtha na hÉireann trí ollchlár infheistíochta caipitil dírithe ar an tsaoráid atá ag Ard-Mhúsaem na hÉireann i nDún Uí Choileáin agus ar Leabharlann Náisiúnta na hÉireann i Sr. Chill Dara.

Baineadh úsáid mhór i rith na bliana as an gCiste Náisiúnta Oidhreachta agus as na forálacha faoisimh chánach faoi Alt 1003 den Acht Comhdhlúite Cánacha, 1997 chun Bailiúchán Náisiúnta na bhForas a mhéadú.

Cuireadh leis an dinimic Thuaidh/Theas trí leanúint den chomhthionscadal an Commentarius Rinnuccianus a aistriú i gcomhpháirtíocht le hOllscoil Uladh. Cuireadh maoiniú ar fáil do na forais chultúrtha nach forais Stáit iad, ina bhfuil bailiúcháin ar díol spéise náisiúnta agus idirnáisiúnta iad, chun cur ar a gcumas leanúint dá gcuid oibre.

Spórt

Is í tuairim an Rialtais go bhfuil an caiteachas ar spórt tábhachtach maidir le forbairt shóisialta agus gheilleagrach na tíre de bhíthin na mbuntáistí a thagann le rannpháirtíocht i ngíomhaíochtaí spóirt. Is féidir luach a chur ar na buntáistí seo maidir leis an tsláinte agus an bhfolláine, forbairt shóisialta agus chultúrtha, oideachas, forbairt phearsanta, turasóireacht agus geilleagar.

Cuirtear an maoiniú don spórt ar fáil trí bhuiséad bliantúil Chomhairle Spórt na hÉireann agus trí raon de shaoráidí spóirt a chur ar fáil go háitiúil, go réigiúnach agus go náisiúnta. Ba €113 milliún iomlán an mhaoinithe do spórt don bhliain 2004 agus leithdháileadh €61 milliún de sin ar 738 tionscadal spóirt ar fud na tíre tríd an gClár Caipitil Spórt.

Leithdháileadh beagnach €331 milliún ar 4271 tionscadal faoin gclár ó 1997 i leith. Leithdháileadh os cionn €23.5 milliún de mhaoiniú ar 257 tionscadal i limistéir atá ainmnithe mar limistéir faoi mhíbhuntáiste in 2004 i gcomhar leis an Roinn Gnóthaí Pobail, Tuaithe agus Gaeltachta. Cé go bhfuil an clár dírithe go príomha ar chumainn agus ar ghrúpaí pobail a chuireann saoráidí ar fáil go háitiúil táthar ag leanúint le maoiniú a threorú i dtreo raon d’ionaid ilspórt cathrach a bhíonn ag freastal ar dhaonra agus ar abhantrach mór a fhorbairt. Cuidíonn na tionscadail seo go mór leis an infreastruchtúr spóirt go náisiúnta agus go réigiúnach chomh maith le freastal ar riachtanais áitiúla. Tá an t-infreastruchtúr seo riachtanach chun leibhéil rannpháirtíochta a ardú agus chun caighdeáin an tsaothraithe a fheabhsú go náisiúnta agus go hidirnáisiúnta araon.

Beidh Éire i mbun óstaíochta ar Thrófaí Chomhairle Idirnáisiúnta an Chruicéid agus ar Chorn Haca na Náisiún Eorpach sa bhliain 2005 agus beidh deontais a cuireadh ar fáil go sonrach faoi chlár na bliana 2004, á dtabhairt chun a chinntiú go mbeidh na háiseanna a bheidh sna hionaid mholta ar na caighdeáin is airde go hidirnáisiúnta. Iarradh iarratais ar mhaoiniú faoi Chlár Caipitil Spórt 2005 trí fhógra poiblí i mí na Nollag 2004 agus fuarthas 1362 iarratas san iomlán faoin spriocdháta, an 4ú Feabhra 2005.

Bheartaigh an Rialtas freisin in 2004 maoiniú a chur ar fáil chun athfhorbairt a dhéanamh ar Bhóthar Lansdúin agus moltaí a lorg maidir le forbairt champas spórt Bhaile an Aba.

Bhain 2004 an bhuaic amach maidir le deontais do linnte snámha agus bhí 96% de chaiteachas ann faoi Chlár Linnte Snámha na nÚdarás Áitiúil. Caitheadh €17.6 milliún in 2004, buaicshuim i gcomparáid leis an €9 milliún a caitheadh in 2003. Ardaíodh an maoiniú faoi chlár na linnte snámha arís go €32 milliún in 2005 (ardú 82% ar 2004).

Ardaíodh buiséad Chomhairle Spórt na hÉireann go €30.7 milliún in 2004 i gcomparáid le €13 milliún de mhaoiniú in 2000, an chéad bhliain iomlán ina raibh sí ag obair. Chuir na tacaí a bhí ar fáil dár bpearsanra spórt idirnáisiúnta sa bhliain 2004 ar a gcumas a bheith rathúil agus iad i mbun iomaíochta go hidirnáisiúnta.

Bíonn maoiniú ar fáil go bliantúil ag na Comhlachtaí Náisiúnta Rialaithe Spóirt ó Chomhairle Spórt na hÉireann i leith na gcostas a bhaineann lena spóirt a fhorbairt agus a chur chun cinn. Bhí luach €6.5 milliún san iomlán sna leithdháiltí a roinneadh in 2004 ar mhaithe leis an obair a dhéanann an CLG, Cumann Peile na hÉireann agus Aontas Peile Rugbaí na hÉireann chun rannpháirtíocht daoine óga i spórt a mhéadú. Leithdháileadh beagnach €8 milliún ar na 55 Comhlacht Náisiúnta Rialaithe Spóirt lena chur ar a gcumas na bunghníomhaíochtaí, atá riachtanach chun ardchaighdeán spóirt a bheith in Éirinn, a dhéanamh, lena n-áirítear riarachán, oideachas ar oiliúnóirí, óstaíocht agus rannpháirtíocht in ócáidí idirnáisiúnta. Seoladh tuarascáil Chomhairle Spórt na hÉireann/na hInstitiúide um Thaighde Eacnamaíochta agus Sóisialta ar "Rannpháirtíocht i Spórt agus Sláinte Daoine Fásta in Éirinn" i mí na Samhna 2004.

Bunaíodh ceithre Chomhpháirtíocht Áitiúla Spórt do Chiarraí, do Chill Chainnigh, do Mhaigh Eo agus don Iarmhí rud a fhágann go bhfuil sé cinn déag de Chomhpháirtíochtaí Áitiúla Spórt bunaithe ar fud na tíre anois. Seoladh trí straitéis nua do Chomhpháirtíochtaí Áitiúla Spórt i gCathair Luimnigh, i gCill Dara agus i gCiarraí. Cuireadh leathnú na Scéime Buntús i gcrích sna sé Chomhpháirtíocht Áitiúla Spórt déag agus réitíodh an socrú a bhain le hurraíocht rathúil don scéim le Musgraves SuperValu. Leithdháileadh €2.3 milliún ar na sé Chomhpháirtíocht déag in 2004. Tá athbhreithniú neamhspleách coimisiúnaithe ag an Roinn ar oibríocht na gComhpháirtíochtaí atá ann agus tá sé ceaptha don athbhreithniú seo a bheith críochnaithe faoi lár 2005.

Leithdháileadh deontais arbh fhiú €0.6 milliún iad ar Chomhairle Spórt na hÉireann in 2004 ar mhaithe leis an Tionscadal Spóirt do Dhaoine Breacaosta a bhfuil sé d’aidhm aige cabhrú le cumainn

agus le heagraíochtaí a thuilleadh deiseanna a ofráil dá mbaill bhreacaosta chun bheith gníomhach i spórt fóillíochta agus i raon de ghníomhaíochtaí coirp.

Chuir Comhairle Spórt na hÉireann Rialacha nua Frithdhópála na hÉireann i bhfeidhm freisin in 2004 agus iad ag teacht leis an gCód Domhanda Frithdhópála agus reáchtáil an Chomhairle comhdháil Frithdhópála in Eanáir 2005, comhdháil ar éirigh go han-mhaith léi. Tá na rialacha á n-úsáid ag an nGníomhaireacht Dhomhanda Frithdhópála mar theimpléad do mhodúl dea-chleachtais d’Eagraíochtaí Náisiúnta Frithdhópála.

Tástáladh iomaitheoirí uile na hÉireann a bhí páirteach sna Cluichí Oilimpeacha agus Para-oilimpeacha sa Bhliain Oilimpeach. Tugadh cuireadh freisin don Dr. Úna May as Aonad Frithdhópála Chomhairle Spórt na hÉireann a bheith ina Breathnóir Neamhspleách leis an nGníomhaireacht Dhomhanda Frithdhópála ag Cluichí na hAithine. Onóir inti féin ab ea sin agus aitheantas ar obair an fheidhmeannais ó 1999 i leith.

Rinneadh 918 tástáil sa bhliain 2004 agus 153 tástáil Íoctar má Úsáidtear orthu sin. Ba thástálacha As Comórtas iad 60% de na tástálacha faoin gClár Náisiúnta. Bhí tástáil le déanamh ar 37 spórt agus 75 tástáil le déanamh thar sáile. Léiríonn an líon tástálacha a rinneadh sa bhliain 2004 a chuimsithí is atá an clár frithdhópála. Aithníonn siad siúd a úsáideann substaintí coiscthe agus cuireann sé ar ár suaimhneas muid faoina bhformhór siúd nach n-úsáideann iad. Léiríonn eachtraí a tharla in 2004 go dtarlaíonn a leithéid chéanna in Éirinn is a tharlaíonn go hidirnáisiúnta agus nach bhfuil an tír slán ó bhaol na ndrugaí i gcúrsaí spóirt.

Bhí an Roinn agus an Chomhairle Spórt páirteach san ullmhúchán do Choinbhinsiún nua Domhanda Frithdhópála UNESCO i rith 2004. Cuirfidh an Coinbhinsiún le Cód na Gníomhaireachta Domhanda Frithdhópála agus le Coinbhinsiún Frithdhópála na Comhairle Eorpaí. Tá sé i gceist gur ionstraim í a mbeidh feidhm dlí léi maidir le gníomhartha frithdhópála ag Rialtais ar fud na cruinne. Tá sé mar sprioc an Coinbhinsiún nua Domhanda seo a bheith glactha agus i bhfeidhm roimh Chluichí Oilimpeacha an Gheimhridh i dTurin in 2006.

Rinne Uachtaránacht na hÉireann óstaíocht ar sheoladh Bhliain Eorpach an Oideachais trí Spórt 2004 i bPáirc an Chrócaigh in Eanáir 2004; seoladh uile-Eorpach ab ea é agus d’éirigh go fíormhaith leis. Tionóladh cruinniú Airí Spórt Troika chomh maith le comhchruinniú na nAirí Spórt agus Oideachais

ag an am céanna. Thug na hAirí údarás don Choimisiún Eorpach próiseas comhairliúcháin a thosú ar chóir go dtiocfadh clár comhtháite oibre agus clár oibre céimneach as d’Airí Spórt an AE i bhfianaise gurb í seo an chéad uair a ndearnadh foráil do spórt i gConradh dréacht nua an AE, a comhaontaíodh le linn Uachtaránacht na hÉireann.

Bhí sé d’ádh ar Éirinn gur éirigh léi páirtmhaoiniú a fháil ón gCoimisiún Eorpach do sheacht gcinn de thionscadail faoin tionscnamh (Bliain Eorpach an Oideachais trí Spórt). Ba chomhpháirtíochtaí i dtionscadail phobail iad trí cinn de na tionscadail a fuair maoiniú agus iad faoi threoir eagraíochtaí i dtíortha eile an AE agus ba go háitiúil, go réigiúnach nó go náisiúnta a tharla na ceithre thionscadal eile. Bhí roinnt tionscadal eile a fuair maoiniú ón Stát ar bun i rith na bliana; ina measc bhí Duais Bhanc Aontas Éireann An Scoil Ghníomhach S’againne, Comhdháil agus Foilseachán Mná sa Spórt, ‘Laethanta – Bain Triail as Spórt Bhliain Eorpach an Oideachais trí Spórt’, Léacht do Bhliain Eorpach an Oideachais trí Spórt, Foilseachán do Bhliain Eorpach an Oideachais trí Spórt agus an Comórtas An Scoil is mó Spórt.

Bliain mhór le rá eile do Spórt na hÉireann, ag baile agus thar lear, ab ea an bhliain 2004. Anseo in Éirinn bhuaigh Ciarraí Craobh Shinsearach na hÉireann sa Pheil agus bhuaigh Corcaigh an Chraobh san Iománaíocht. Lena chois sin bhain Gaillimh amach Craobh na hÉireann i bPeil na mBan fad is a choinnigh Tiobraid Árann Craobh na hÉireann sa Chamógaíocht.

Thar lear éachtaí iontu féin ab ea an pháirt iontach a ghlac Darren Clarke, Pádraig Harrington agus Paul McGinley chun Corn Ryder a bhaint amach, na boinn a bhuaigh Derek agus David Malone, Conal McNamara agus John McCarthy sna Cluichí Para-Oilimpeacha, an bonn cré-umha atá ag Andy Lee as Craobhchomórtais Amaitéaracha Dornálaíochta na hEorpa, eachtraí móra chumann Síolbhroinn san Eoraip agus an Corn Triarach sa Rugbaí a bheith ina seilbh ag Éirinn.

Chuir an Rialtas rialacháin i bhfeidhm in 2004 chun an teora a bhí le Ciste Rásaíocht Chapall agus na gCon a ardú ó €254 milliún go €550 milliún agus an Ciste a bheith ar fáil ar feadh ceithre bliana eile go dtí 2008. Cinnteoidh sé sin go mbeidh an fhrámaíocht urraithe airgeadais atá riachtanach do thionscail na gcapall agus na gcon, araon, do na ceithre bliana seo chugainn chun cur ar a gcumas a dtionscnaimh ollmhóra forbartha a chur i gcrích. Bhí €206.4 milliún agus €51.6 milliún, faighte ag Rásaíocht Chapall Éireann agus ag Bord na gCon, faoi seach, as an gCiste faoi dheireadh na bliana 2004 ón am ar cuireadh tús leis in 2001.

Sheol Rásaíocht Chapall na hÉireann luach €200 milliún de Chiste Caipitil Forbartha do Ráschúrsaí na hÉireann i mí na Samhna 2004. Beidh a dhá oiread sa chiste nua seo is a bhí sa chéad Chiste Caipitil Forbartha agus beidh sé le caitheamh i dtréimhse cúig bliana chun leanúint le huasghrádú suntasach na ráschúrsaí chun go beidh siad ar chaighdeán a mbeadh súil ag lucht rásaíochta an lae inniu leis. Beidh suas le €110 milliún de dheontais i gcabhair ar fáil ó Rásaíocht Chapall na hÉireann agus cuirfidh na ráschúrsaí an fuílleach ar fáil as a n-acmhainní féin.

Chríochnaigh Indecon International Economic Consultants Tuarascáil dar teideal "An Assessment of the Economic Contribution of the Bloodstock and Horse Racing Industry in Ireland" i mí Iúil 2004 thar ceann Rásaíocht Chapall na hÉireann, Chumann Lucht Póraithe Chapall Folúil na hÉireann agus Ciste Lucht Póraithe na hEorpa agus na hÉireann. Dheimhnigh an Tuarascáil go mbíonn ionchur an-tábhachtach ag rásaíocht chapall agus ag pórú capaill fholúla ar gheilleagar na hÉireann agus gur chuidigh an faoiseamh cánach ar staileanna le tionscal an phóraithe fholúil a bheith faoi bhláth in Éirinn. Chruthaigh capaill agus marcaigh Éireannacha thar barr ar fad sna blianta beaga seo caite agus ba chabhair é sin chun an bhuaic a bhaint amach d’Éirinn sa rásaíocht ar fud an domhain.

Lean Bord na gCon d’fhorbairt a dhéanamh ar thionscal na gcon in Éirinn in 2004 agus tá rásaíocht na gcon ar cheann de na hócáidí caitheamh aimsire don tráthnóna is mó a bhfuil borradh fúithi in Éirinn faoi láthair. Is léargas iad an lear mór de na táscairí atá sa tionscal mar shampla figiúirí an lucht freastail, figiúirí láimhdeachais an tsuimitheora agus na ngeallghlacadóirí agus go leor eile an borradh rathúil atá tagtha faoi thionscal na gcon le blianta anuas. Ba 4.5 milliún líon an lucht freastail ó 2000 go dtí deireadh 2004.

Dul chun cinn i Spriocanna na Turasóireachta

Tá an méid seo a leanas glactha chuici féin ag an Roinn mar sprioc don turasóireacht:

"forbairt leanúnach i dtionscal na turasóireachta a éascú d’earnáil turasóireachta eacnamaíoch, ag a mbeadh comhshaol inmharthana agus í cothrom go spásúil, trí

raon de pholasaithe agus de chláir thacaíochta a fhoirmliú, monatóireacht agus athbhreithniú a dhéanamh orthu, go speisialta taobh istigh de fhrámaíocht an Phlean Forbartha Náisiúnta agus an Chomhoibrithe Thuaidh/Theas."

Tá na straitéisí a aithníodh chun an sprioc seo a chur i gcrích breactha síos go mion i gcéad Ráiteas Straitéise na Roinne a chlúdaíonn an tréimhse trí bliana 2003 – 2005, agus atá luaite arís, mar aon le táscairí feidhmiúcháin ábhartha, in Aguisín 1 den tuarascáil seo.

Straitéis 1

Athbhreithniú a dhéanamh ar pholasaí agus ar fheidhmiú na Turasóireachta.

Ba í an phríomhfhorbairt a tharla in 2004 i gcomhthéacs na straitéise seo, gur cheap an tAire grúpa ardleibhéil chun maoirseacht a dhéanamh ar chur i bhfeidhm de Phlean Gnímh céimneach, dhá bhliain, don Turasóireacht, mar a leagadh síos i dTuarascáil Ghrúpa Athbhreithnithe Pholasaí na Turasóireachta dar teideal "Fís Nua don Turasóireacht in Éirinn: Clár Oibre don Chur i nGníomh" ( a foilsíodh i Meán Fómhair 2003).

Leagtar straitéis nua don tréimhse 2003-2012, amach sa Tuarascáil Fís Nua lena n-áirítear sraith nua de spriocanna agus ina measc tá: ioncam ón iasacht a dhúbailt go €6 bhilliún in 2012; 10 milliún cuairteoir ón iasacht a thabhairt isteach faoi 2012; agus turasóirí so-mhargaíochta (.i. iad siúd gur dóigh gur orthu ba mhó a rachadh gníomhaíochtaí margaíochta i gcion) chuig Réigiún na Teorann agus an Lár-Iarthair, a dhúbailt (ó 0.8 milliún nó níos lú ná 30% de thurasóirí dá leithéid go 1.6 milliún).

Fuair an Grúpa Feidhmiúcháin amach ina chéad tuarascáil ar dhul chun cinn, a foilsíodh i Lúnasa 2004, go raibh an dul chun cinn i dtús an phróisis feidhmiúcháin go maith, go ginearálta, agus go raibh tiomantas láidir agus tacaíocht le fáil ó thionscal na turasóireachta agus ón Rialtas; bhí an dul

chun cinn a bhain le roinnt de na gníomhartha molta a chur chun cinn, sásúil go leor i gcuid acu seachas a chéile; bhain na réimsí sin ab fhearr a chruthaigh le gníomhaíochtaí riaracháin agus comhordaithe de réir mar a thosaigh na príomhghníomhairí ag ullmhú chun an straitéis nua a chur i bhfeidhm. Ba iad na réimsí ba lú a ndearnadh dul chun cinn iontu ag an am sin na sainréimsí a bhféadfaí an "fíorgheilleagar" a thabhairt orthu; tá gnéithe sonracha fágtha fós a chuireann bac ar fhorbairt thurasóireacht na hÉireann agus ba ghá dul chun cinn a dhéanamh chun na baic a chur de leataobh chun na spriocanna uaillmhianacha atá leagtha síos ag an nGrúpa Athbhreithnithe, a bhaint amach.

De réir thuarascáil an Ghrúpa Athbhreithnithe freisin bhí tacaíocht láidir le fáil ag straitéis agus ag moltaí an Ghrúpa Athbhreithnithe agus ag obair an Ghrúpa Feidhmiúcháin ón tionscal trína phríomhchomhlachtaí ionadaíocha, ina measc Cónaidhm Thionscal Turasóireachta na hÉireann, Cónaidhm Óstán na hÉireann, Irish Tour Operators Association, Cumann Bhialanna na hÉireann agus trí fhiontair aonaracha iomadúla.

Thionóil an Grúpa Feidhmiúcháin Fóram Turasóireachta san Ospidéal Ríoga, Cill Mhaighneann, ar an 17 Samhain 2004 agus é de chuspóir aige forbairtí in earnáil na turasóireachta a mheas agus tuarascáil a chur ar fáil don tionscal ar an dul chun cinn go dáta i gcur i bhfeidhm na straitéise nua turasóireachta agus a moltaí mionsonraithe. Thug sé deis do thionscal na turasóireachta chomh maith comhairle a chur ar an nGrúpa Feidhmiúcháin faoina dtuairimí faoi stádas reatha an tionscail. D’fhreastail tuairim is 120 duine ar an bhFóram agus orthu sin bhí ionadaithe ó thionscal na turasóireachta agus baill ó ghníomhaireachtaí Stáit.

Straitéis 2

Meicníocht nua a chur i bhfeidhm maidir le tacaíocht Stáit a sholáthar don turasóireacht.

Tá Fáilte Ireland ag díriú ar an taithí a fhaigheann cuairteoirí nuair a thagann siad anseo, trí bheith ag obair go dlúth le tionscal na turasóireachta agus is chuige a iompaítear chun tacaíocht

straitéiseach agus phraiticiúil a fháil chun Éire a fhorbairt agus a choinneáil mar cheann scríbe turasóireachta iomaíoch d’ardchaighdeán. Tá sin ar bun aige trí: deiseanna gnó atá ag teacht chun cinn a aithint; tagarmharcáil a dhéanamh ar iomaitheoirí i spriocionaid eile; prionsabail dea-chleachtais sa turasóireacht a aithint agus a chur chun cinn; caighdeáin barr feabhais a bhunú agus a chothú i seirbhísí custaiméara; spreagadh agus tacaíocht a thabhairt chun táirgí nua turasóireachta a fhorbairt; tairiscintí tarraingteacha margaíochta a fhorbairt do tháirgí na turasóireachta, agus tacú le margaíocht a dhéanamh ar an tionscal (is trí Tourism Ireland a thugtar faoi thionscnaimh margaíochta thar lear); cur le hábaltacht ar fud an tionscail go léir; forbairt na coda ríthábhachtaí sin – an tsaoire ag baile – a leanúint suas agus a chur chun cinn; cuidiú le baic ar fhorbairt sa chomhshaol gnó níos leithne, a chur de leataobh; monatóireacht a dhéanamh ar fheidhmiú an tionscail agus ar thaithí an chustaiméara; agus tacú leis na sé Údarás Réigiúnacha Turasóireachta.

Straitéis 3

Teacht go héasca a bheith ar agus athbhreithniú a dhéanamh ar úsáid na gcistí poiblí i gcomhair mhargaíocht agus chur chun cinn na turasóireachta.

Bhí soláthar sa leithdháileadh don turasóireacht faoin bPlean Forbartha Náisiúnta do Chiste Margaíochta Turasóireachta ilbhliantúil de bhreis is €200 milliún. Is iad príomhchuspóirí margaíochta thurasóireacht na hÉireann don tréimhse 2000-2006 torthaí ó thuilleamh ó ioncam iasachta agus laethúil na gcuairteoirí a ardú, agus cúnamh a thabhairt don tionscal dáileadh níos leithne ar ghnó na turasóireachta a bhaint amach go séasúrach agus go réigiúnach agus sa tslí sin cuidiú le spriocanna forbartha inmharthana.

Forbraíonn agus comhaontaíonn na gníomhaireachtaí turasóireachta agus ionadaithe ó earnáil na turasóireachta, Thuaidh agus Theas, faoin Tourism Marketing Partnership, a bunaíodh in 2000 agus a athbhunaíodh faoi choimirce Tourism Ireland Ltd, in 2002, straitéis bhliantúil margaíochta d’oileán na hÉireann. Bunaítear an straitéis ar an maoiniú a bhíonn ar fáil do bhunbhuiséad margaíochta Tourism Ireland faoin bPlean Forbartha Náisiúnta agus ar an maoiniú sa bhreis ó Thuaisceart Éireann. Bhí an infheistíocht a rinne an Státchiste sa Chiste Margaíochta Turasóireachta chomh hard le €129 milliún ó 2000 go 2004; caitheadh os cionn €31 milliún de sin in 2004, an leithdháileadh ba mhó riamh ar an gCiste.

D’fhorbair agus sholáthair Tourism Ireland agus Fáilte Ireland cláir margaíochta sa bhliain 2004 a tháinig leis na príomhchuspóirí a leagadh amach sa Phlean Forbartha Náisiúnta don turasóireacht. Tá na táscairí feidhmiúcháin ar baineadh úsáid astu chun a dtorthaí a mheas bunaithe orthu sin atá sa Chlár Oibriúcháin ar Thomhas Mhargadh na Turasóireachta don Earnáil Tháirgiúil – .i. ardú ar thuilleamh ón iasacht; toradh in aghaidh an lae, dáileadh réigiúnach agus séasúrach. Tá na torthaí seo a leanas, atá bunaithe ar na figiúirí is deireanaí don bhliain iomlán (.i. 2003) ón bPríomh-Oifig Staidrimh, bainte amach:

Táscaire an Phlean Forbartha Náisiúnta	Bunlíne 1999	Sprioc don lártéarma	Feidhmiúchán go lártéarma
Tuilleamh an Airgeadraí ón turasóireacht	€2.456 bn	€2.918 bn	€3.406 bn
Comhréir mhéadaithe an Ioncaim Thurasóireachta as Stát ag teacht chuig Réigiún na Teorann agus an Lár-Iarthair	25.7%	26.5%	26.2%
Go Séasúrach (Figiúirí d’Iúil/Lúnasa i gcomhréir le feidhmiúchán na bliana)	27%	26%	25%
Caiteachas laethúil na gCuairteoirí ón Iasacht	€51.67	€54.64	€56.59

Léiríonn na figiúirí ón bPríomh-Oifig Staidrimh do 2004 gur tháinig fás 3.2% sa bhreis faoi líon na gcuairteoirí ón iasacht agus fás 0.4% sa tuilleamh foriomlán ón iasacht (.i. fáltais charraera san áireamh). Maidir leis an scaipeadh séasúrach de taispeánann meastacháin shealadacha ar líon na gcuairteoirí do 2004 gurbh in Iúil agus i Lúnasa a tháinig 24% de líon iomlán na gcuairteoirí ón iasacht – seo léiriú ar 1% eile d’aistriú ón mbuaicshéasúr. Ní féidir níos mó brí a bhaint as torthaí don bhliain iomlán de réir torthaí laethúla nó séasúracha as an eolas reatha atá ar fáil ón bPríomh-Oifig Staidrimh.

Bhí Tourism Ireland agus Fáilte Ireland, araon, ag obair go gníomhach, i dtéarmaí polasaí de, maidir le gníomhartha ábhartha a bhain lena ngníomhaíochtaí margaíochta a leanúint suas; bhí na gníomhaíochtaí seo luaite sa Phlean Gnímh don Turasóireacht, mar a leagadh amach é i dTuarascáil Ghrúpa Athbhreithnithe Pholasaí na Turasóireachta, "Fís Nua don Turasóireacht in Éirinn". Bhí athbhreithnithe doimhne ag Tourism Ireland ar Mhargaí na Breataine agus Mhór-Roinn na hEorpa, araon, ar phointí ar tarraingíodh aird orthu.

24 25

Straitéis 4

Athbhreithniú a dhéanamh ar úsáid an mhaoinithe phoiblí chun forbairt a dhéanamh ar acmhainní daonna, ar earcaíocht agus ar oiliúint d’earnáil na turasóireachta agus teacht níos fusa a bheith ar an maoiniú sin.

Rinneadh dul chun cinn suntasach in 2004 in ardú na gcaighdeán sa soláthar ardseirbhíse agus sa ghairmiúlacht in earnáil na turasóireachta. Chuir Fáilte Ireland beagnach 11,000 duine faoi oiliúint in 2004. Bhain díreach os cionn 2,312 mac léinn turasóireachta agus fáilteachais, san iomlán, gradaim amach ar chúrsaí faofa FETAC agus HETAC in 2004. Bhain 781 duine eile, a rinne freastal ar chúrsaí, Teastais Ghnóthachtála amach ó Fáilte Ireland ar na Cláir Fill ar Obair a bhí á reáchtáil aige. D’fhreastail 2,597 mac léinn eile ar chláir thurasóireachta agus fáilteachais in Institiúidí breisoideachais agus ardoideachais ag na leibhéil seo: leibhéal tosaigh, ardleibhéal, leibhéal maoirseachta/bainistíochta. D’fhreastail 2,052 oiliúnaí ar chúrsaí in Ionaid Oiliúna Fáilte Ireland agus ghlac díreach faoi 4,000 duine páirt sna cláir inseirbhíse a leagadh amach dóibh siúd a bhí ag obair cheana féin sa tionscal.

Chríochnaigh Fáilte Ireland an obair a bhain lena chláir a mhapáil ar Fhrámaíocht nua na gCáilíochtaí Náisiúnta sa bhliain 2004. Tá cláir ó ghradaim Leibhéal 3 (Bunchláir, bailíochtaithe ag FETAC) go Leibhéal 7 (Gnáthchéim Baitsiléara, bailíochtaithe ag HETAC) ar an bhfrámaíocht deich leibhéal anois. Tá sé mar aidhm leis an bhfrámaíocht comhleanúnachas níos fearr a bheith ag dul leis na dámhachtainí oideachais. Fágann sin go bhfuil sé níos fusa iad a thuiscint, go bhfuil siad leagtha amach chun tacú le foghlaimeoirí ag gach aon chéim den phróiseas foghlama agus go bhfuil an struchtúr atá orthu deartha go speisialta chun gur éasca teacht orthu agus dul ar aghaidh.

Bhí roinnt mhaith taighde agus comhairliúcháin ar bun leis an tionscal i gcaitheamh 2004 ar a dtógfaí Straitéis nua Forbartha Acmhainní Daonna na hÉireann - 'San Iomaíocht trí Dhaoine'. D’oibrigh Grúpa chur chun cinn Gairmeacha sa Turasóireacht de chuid Fáilte Ireland go comhuaineach chun plean mionsonraithe náisiúnta earcaíochta a fhorbairt chun aghaidh a thabhairt ar dhúshláin mhóra na hearcaíochta san oiliúint, san oideachas agus san fhostaíocht i dtionscal na turasóireachta agus na gníomhartha is féidir le gach aon cheann de na páirtithe leasmhara a thógáil orthu féin chun

earcaíocht agus coinneáil a fheabhsú. Tá sé i gceist na tuarascálacha deireanacha ar na hiarrachtaí seo a fhoilsiú go luath in 2005.

Thaispeáin an Seó Bóthair Déan go Maith duit féin sa Turasóireacht arís gurbh fhiú é mar phríomhuirlis margaíochta chun an turasóireacht a dhíol mar ghairm chéadrogha le os cionn 10,000 fágálaí scoile. Lena chois sin thug ionadaithe ó Fáilte Ireland cuairt ar thuairim is 300 scoil dara leibhéal agus chuir siad seisiún eolais ar bun do dhaltaí faoi ghairmeacha sa turasóireacht.

Leanadh de bhronnadh gradaim "Dámhachtain Bharr Feabhais don tSeirbhís is Fearr in Éirinn" de chuid Fáilte Ireland chun cultúr an scothchúraim don chustaiméir a chur chun cinn agus a chothú sa tionscal. De réir leagan amach na nDámhachtainí, ar a ndéantar iniúchadh go neamhspleách, bíonn cuidiú le fáil ag fostóirí chun an obair is fearr a fháil óna bhfoirne ar bhealach struchtúrtha agus inbhuanaithe agus fágann sin rátaí coinneála na foirne níos airde agus caighdeáin na seirbhíse sa tionscal níos fearr. Bhain 56 cuideachta an gradam seo amach in 2004.

Cuireadh an Clár Scothchleachtais le chéile de bharr anailíse a rinne Fáilte Ireland ar scothchleachtas go hidirnáisiúnta agus tá uirlis shonrach tagarmharcála á hofráil aici don tionscal bunaithe ar na "cleachtais is fearr san aicme". Thosaigh fiche cuideachta ar an bpróiseas Scothchleachtais a chur i bhfeidhm trí fhéinmheasúnú, réimsí ónar theastaigh feabhas a aithint agus pleananna gnímh a ullmhú. Corpraíodh an Clár Scothchleachtais agus an Clár Barrchleachtais, araon, sa Chlár OPTIMUS – an clár nua scothchleachtais ghnó atá ag Fáilte Ireland. Seoladh an clár seo i mí na Bealtaine 2004. Tá os cionn 60 óstán páirteach i gcéimeanna éagsúla den chlár go dtí seo agus ceaptar go dtosóidh 80 óstán eile ar an gclár i rith 2005.

D’fhorbair Fáilte Ireland roinnt clár bainistíochta agus chuir sé ar fáil iad mar chláir phíolótacha ag céim dioplóma i gcomhar le comhpháirtíochtaí idirnáisiúnta mar Ollscoil Cornell agus Comhlachas na gCuntasóirí Cairte Deimhnithe mar fhreagra ar mholtaí Ghrúpa Athbhreithnithe Pholasaí na Turasóireachta maidir le forbairt ar chumas bainistíochta.

Tugadh isteach scoláireacht nua ar thaighde turasóireachta agus bronnadh an chéad dámhnachtain ar mhac léinn in Institiúid Teicneolaíochta Luimnigh i Meán Fómhair 2004.

Ritheadh dhá chlár speisialta do dhaoine faoi mhíchumas mar fhreagra ar iarratas ó Fhondúireacht COPE i gCorcaigh agus ó Bhráithre na Carthanachta i bPort Láirge.

Forbraíodh Clár Scileanna Teicniúla do mhic léinn tríú leibhéal ó dhisciplíní seachas turasóireacht agus fáilteachas agus ritheadh é in Ollscoil Luimnigh; rithfear arís é i rith 2005.

Déantar athbhreithniú i dtuarascálacha rialta ar chaiteachas Fáilte Ireland i réimsí na hoiliúna, na hearcaíochta agus na forbartha gnó agus mar a d’fheidhmigh sé i bhfianaise spriocanna sonracha a leagadh síos do bhearta oiliúna agus fostaíochta faoin gClár Oibriúcháin Acmhainní Daonna agus Fostaíochta an Phlean Forbartha Náisiúnta. Tá na spriocanna caiteachais agus oiliúna a leagadh síos don tréimhse 2000 – 2006 ag teacht le sprioc.

Straitéis 5

Athbhreithniú a dhéanamh ar úsáid an mhaoinithe phoiblí chun forbairt chothrom inmharthana a dhéanamh ar tháirge na turasóireachta agus chun caighdeán an táirge a fheabhsú agus teacht níos fusa a bheith ar an maoiniú sin.

Cuireadh suas le €50 milliún de dheontais i gcabhair ar fáil trí Chiste Forbraíochta Réigiúnaí na hEorpa chun tacú le hinfheistíocht i dtáirge turasóireachta faoin bPlean Forbartha Náisiúnta, 2000-2006 tríd an Scéim Forbartha um Tháirge Turasóireachta. Déantar maoiniú ar an Scéim seo trí Fhochlár Tosaíochta Fhorbairt Fiontar Áitiúil na gClár Oibriúchán Réigiúnach. Is é bunchuspóir na Scéime scaipeadh spásúil na turasóireachta in Éirinn a fheabhsú agus aird á díriú ar chabhrú leis na limistéir tearcfhorbartha teacht i dtír ar a n-acmhainn chun ionaid nua, ina mbeadh borradh láidir faoin turasóireacht, a spreagadh.

Tá an Scéim seo á riar ag Fáilte Ireland agus déanann Boird Bainistíochta Táirgí, a bunaíodh go sonrach faoina chomhair seo, cinntí maidir le hiarratais aonaracha ar dheontais. Chuathas chun cinn go maith le próiseáil na n-iarratas ar dheontais faoin Scéim sa bhliain 2004. Ceadaíodh do 106 den chéad 265 iarratas a fuair Fáilte Ireland agus na hÚdaráis Réigiúnacha Turasóireachta dul ar aghaidh go dtí an dara céim den mhionmheasúnú. Bhí €30.9 milliún san iomlán de dheontais ceadaithe faoi dheireadh na bliana 2004 i leith 41 tionscadal ar fud na tíre; ba é sin €61 milliún d’infheistíocht

iomlán sa dá réigiún. Ina theannta sin ceadaíodh €4.1 milliún de dheontais i gcabhair, go coinníollach, do sheacht dtionscadal eile fad is a bhí cinntí faoi thrí thionscadal eile fós, lenar bhain €1.5 milliún de dheontais, á meas.

D’iarr an tAire ar Fáilte Ireland, i mí na Nollag 2004 tairiscint a iarraidh maidir lena thuilleadh tograí infheistíochta do chabhair airgeadais faoi chatagóir na gCaitheamh Aimsire Sainspéise den Scéim d’fhonn an úsáid ab airde a bhaint as cistí AE a bhí ar fáil faoin Scéim. Bhí sé i gceist go mbeadh an €12 milliún den chiste táscach deontais a bhí le leithroinnt idir réigiúin na Teorann agus an Lár-Iarthair agus réigiúin an Deiscirt agus an Oirthir ar fáil mar thacaíocht chun infheistíocht a dhéanamh i gcaithimh aimsire mar chúrsaí eachaíochta, rothaíocht agus siúlóid, Gairdíní Breátha, sainghníomhaíochtaí allamuigh, turasóireacht bunaithe ar an uisce agus turasóireacht dírithe ar an tsláinte. Ba é an 28 Feabhra 2005 an dáta deiridh a raibh Fáilte Ireland ag glacadh le foirmeacha líonta ina mbeadh mionsonraí faoi na tograí.

Rinneadh dul chun cinn maith i rith na bliana 2004 maidir le riachtanais nósanna imeachta mionsonraithe a ghabhann leis an bpróiseas atá ag an gComhpháirtíocht Phríobháideach Phoiblí chun Lár-Ionad Comhdhála Náisiúnta a bheith ann, a bhrú ar aghaidh. Cuireadh tús leis an bpróiseas seo in 2003 agus tá sé á bhainistiú ag Oifig na nOibreacha Poiblí faoi stiúir Grúpa Stiúrtha ar a bhfuil an Roinn Ealaíon, Spóirt agus Turasóireachta mar chathaoirleach. Fuarthas ceithre iarratas in Eanáir 2004 mar fhreagra ar fhógra Oifig na nOibreacha Poiblí a d’iarr Léirithe Suime i ndáil le Lár-Ionad Comhdhála Náisiúnta a chur ar fáil i limistéar Átha Cliath, ar shuíomh a sholáthródh an páirtí leasmhar, agus bheifí ag súil go mbeadh áit ann, ar a laghad, do 2000 toscaire. Rinne Painéal Measúnaithe mionmheastóireacht ar na hiarratais go léir agus cuireadh triúr as an gceathrar iarrthóirí ar ghearrliosta i mí Iúil 2004 le dul ar aghaidh go dtí an chéad chéim eile den chomórtas: Feadhnacht Anna Livia; Michael McNamara agus Feadhnacht Bhaile na Lobhar; Feadhnacht Lár-Ionad Comhdhála Idirnáisiúnta Dhuga Spencer. B’éigean am agus dua a chaitheamh leis an ullmhúchán ar an gcáipéisíocht mhionsonraithe tairisceana agus le riachtanais phróiseas na Comhpháirtíochta Príobháidí Poiblí agus b’éigean iad a scrúdú go géar agus go haireach. D’eisigh Oifig na nOibreacha Poiblí cáipéisíocht mhionsonraithe tairisceana chuig na trí fheadhnacht a bhí ar an ngearrliosta, i mí na Nollag 2004; tharraing ceann amháin díobh sin amach as an gcomórtas ó shin. Táthar ag súil gur féidir cuideachta na tairisceana tosaíochta a roghnú, go sealadach, go deireanach sa samhradh 2005 ach dóthain ama caidrimh leis na cuideachtaí tairisceana a bheith ann agus gur féidir an obair a ligean amach ar conradh, le faomhadh na Roinne, go gairid ina dhiaidh sin.

Dul Chun Cinn i Spriocanna na nEalaíon agus na bhForas Cultúrtha

Tá an méid seo a leanas glactha chuici féin ag an Roinn mar sprioc do na hEalaíona agus do na Forais Náisiúnta Chultúrtha:

"Cleachtas agus tuiscint ar na healaíona a chothú, agus a chur ar chumas na bhForas Náisiúnta Cultúrtha ár n-oidhreacht soghluaiste agus ár sócmhainní cultúrtha a bhailiú, a chaomhnú, a chosaint agus a léiriú trí fhrámaíocht reachtaíochta, polasaí agus acmhainní chuí a chur ar fáil".

Straitéis 1

Frámaíocht reatha reachtaíochta do na healaíona a uasghrádú.

Achtaíodh an tAcht Ealaíon 2003 sa bhliain 2003 agus d’aisghairm sé an reachtaíocht ealaíon a cuireadh i bhfeidhm níos luaithe sa bhliain 1951 agus sa bhliain 1973. Soláthraíonn an reachtaíocht bonn dlíthiúil atá níos ábhartha agus níos oiriúnaí do shaol an lae inniu.

Is iad seo a leanas príomhfhorálacha an Achta:

• Sainmhínítear “na healaíona”, chun críche an Achta sin, ar shlí is go mbeifear fós ag tagairt d’fhoirmeacha comhdhamhna sna healaíona, ach go mbainfidh an oiread sin solúbthachta leo go mbeidh foirmeacha traidisiúnta de na healaíona mar aon le foirmeacha atá ag eascairt agus atá nuálach agus foirmeacha de na healaíona i nGaeilge, i mBéarla, nó in aon teanga eile san áireamh leo.

• Cuirfidh an tAire Ealaíon, Spóirt agus Turasóireachta na healaíona chun cinn go náisiúnta agus go hidirnáisiúnta agus tugann sé aitheantas do ról an Aire i leith pholasaí iomlán an Stáit a leagan amach do na healaíona.

• Leanfaidh an Chomhairle Ealaíon dá ról mar phríomhghníomhaireacht an Stáit a bheidh freagrach as cur chun cinn agus forbairt na n-ealaíon, agus beidh sé riachtanach go mbeidh pleananna agus straitéisí na Comhairle ag réiteach le polasaí an Rialtais i leith na n-ealaíon.

• Tugann an tAcht aitheantas sainiúil do neamhspleáchas na Comhairle Ealaíon cinntí a dhéanamh i leith íocaíocht an mhaoinithe.

• Tá líon na mball ar an gComhairle Ealaíon laghdaithe ó seacht mball déag go trí bhall déag. Tá tús curtha le ballraíocht chéimneach ionas go mbeidh leanúnachas níos fearr ag baint le hobair na Comhairle. Toghadh comhairle nua.

• Forálann an tAcht go mbeidh comhlachtaí poiblí san aird ar aon pholasaí Rialtais a bhaineann leis na healaíona, i bhfeidhmiúchán aon fheidhm a bhaineann leis na healaíona.

• Forálann an tAcht go n-ullmhóidh agus go gcuirfidh Údaráis Áitiúla, chun críche ailt 31 den Acht um Rialtas Áitiúil 1994, pleananna d’fhonn na healaíona a fhorbairt laistigh dá réimse fheidhmiúil agus é sin á dhéanamh acu, tabharfaidh said polasaithe an Rialtais maidir leis na healaíona san áireamh. Is féidir le hÚdarás Áitiúil cabhair airgeadais nó eile a chur ar fáil do na healaíona laistigh dá réimse fheidhmiúil.

• Forálann an tAcht gur féidir go dteastódh ón Aire ón gComhairle Ealaíon coiste/coistí a bhunú chun comhairle a chur uirthi maidir le gnéithe a bhaineann leis na healaíona, d’fhéadfadh go bhfoilseodh an Chomhairle an chomhairle sin agus tabharfaidh sí an chomhairle sin san áireamh i bhfeidhmiú a feidhmeanna.

Bunaíodh coiste speisialta ar Ealaíona Traidisiúnta, faoin bhforáil dheireanach sin agus tá tuairisciú déanta chuig an gComhairle Ealaíon aige. Tá réimse leathan moltaí déanta aige lena n-áirítear polasaí, maoiniú agus tacaíocht, cartlannaíocht, oideachas agus léirfheidhmiú. Tá na moltaí sin glactha ag an gComhairle Ealaíon.

Straitéis 2

Tacaíocht a thabhairt d’fhorbairt bhreise a dhéanamh ar infreastruchtúr na n-ealaíon agus an chultúir lena n-áirítear ealaín phoiblí.

Bunaíodh Grúpa Comhordaithe Idir-Rannach don Ealaín Phoiblí faoi chathaoirleacht na Roinne i nDeireadh Fómhair 2002 chun cur chuige náisiúnta don ealaín phoiblí a fhorbairt. Bhí an dréachtú ar sraith de threoirlínte maidir leis an Scéim: Céatadán don Ealaín a chur i bhfeidhm san áireamh i

dtéarmaí tagartha an Ghrúpa Idir-Rannaigh. Críochnaíodh na treoirlínte sin in 2004 i ndiaidh dul i gcomhairle le painéal saineolaithe. Cuireann na treoirlínte sin soiléireacht agus leanúnachas ar fáil do chomhlachtaí poiblí a chuireann tionscadail ar thógáil chaipitil ar fáil maidir le nósanna imeachta, ceadaíonn siad oscailteacht agus solúbthacht i bpróisis phleanála, roghnaithe agus athbhreithnithe, agus déanann siad a thuilleadh forbartha ar chleachtais choimisinéirí. Áireofar oiliúint na n-ealaíontóirí agus na gcoimisiúnaithe, lipéid a chur ar shaothair, taifid a choinneáil agus úsáid de thionscadail ealaíon mar acmhainn oideachais i gcur i bhfeidhm rathúil na dtreoirlínte.

Tionóladh líon áirithe d’ócáidí príomha in Éirinn mar chuid d’Uachtaránacht na hÉireann ar an AE sa chéad sé mhí de 2004. Áiríodh orthu seo Seimineáir ar Chur Chun Cinn Éagsúlacht Teangeolaíoch trí Litríocht (Cill Airne ar an 11ú – 12ú Márta), Maoiniú Cruthaitheacht agus Ceol (Baile Átha Cliath ar an 20ú – 21ú Aibreán) agus Líonrú do na hEalaíona san Eoraip (Corcaigh ón 20ú go dtí an 22ú Bealtaine). Tionóladh Comhdháil Idirnáisiúnta Digitíochta i mBaile Átha Cliath ar an 29 Meitheamh ar dhírigh ar thairseacha chuig oidhreacht chultúrtha agus teacht a bheith ag gach duine ar an gcultúr.

Leathnaíodh na Cláir Oiliúna MEDIA Plus agus MEDIA (ríomhchláraitheoirí tacaíochta maoinithe d’oibreacha closamhairc) go dtí Nollaig 2005 agus cuireadh tús le cainteanna ar thogra ón gCoimisiún Eorpach ar Chlár nua don tréimhse 2007-2013.

Straitéis 3

Infheistíocht a spreagadh i ndéantúsaíocht scannán in Éirinn.

Lean an Roinn, le linn 2004, an fhrámaíocht polasaí agus an maoiniú a chur ar fáil chun cur ar chumas Bhord Scannán na hÉireann déantús scannán a chur chun cinn in Éirinn, agus chun margaíocht a dhéanamh ar Éirinn thar lear mar láthair do léiriúcháin idirnáisiúnta. Riar an Roinn chomh maith an scéim dhreasachta chánach ‘Alt 481’ i gcomhair maoinithe i léiriúcháin scannán.

Tacaíonn an Bord le gach leibhéal de léiriúchán scannán lena n-áirítear léiriúcháin mhóra idirnáisiúnta. Chonaic an Bord ardú iomlán de 9.2% go €11.845 milliún ina leithdháileadh maoinithe ón Státchiste sa bhliain 2004.

Eisíodh lear mór de theidil, aon teideal déag san iomlán, de scannáin ar thug Bord Scannán na hÉireann tacaíocht dóibh i nDíoloifig na hÉireann, lena n-áirítear Adam & Paul agus Inside I’m Dancing a bhain clú amach go criticiúil, agus d’éirigh le Man About Dog an barr a bhaint amach i nDíoloifig na hÉireann (ag a raibh comhlán de €2.4 milliún go dáta). D’éirigh go han-mhaith le Intermission, Song For A Raggy Boy agus Spin The Bottle i gcairteanna fístéipe na hÉireann agus bhris siad na taifid a bhí ann roimhe seo agus d’éirigh le roinnt tionscadal dá dtug Bord Scannán na hÉireann tacaíocht gradaim a bhaint amach ag féilte móra. Léiríodh go raibh rath ag baint le polasaí an Bhoird bearta dáilte a spreagadh agus díriú níos mó ar shocruithe de chómhaoiniú idirnáisiúnta mar go raibh líon áirithe tionscadal á léiriú nó á gcur i gcríoch agus gur tharraing tionscadail idirnáisiúnta aird aisteoirí agus léiritheoirí clúiteacha sa bhliain 2004.

Sheol an Bord clár scagtha tástála saor in aisce, agus chomhurraigh an Bord an Chomhdháil Mhaoinithe Scannán Real Deal ag Fleá Scannán na Gaillimhe rud a léirigh a thuilleadh a dhíograisí is atá Bord Scannán na hÉireann gach deis a thabhairt dá ábhar agus dá chumas chun teagmháil a dhéanamh leis an lucht féachana. Mhéadaigh an Bord a thiomantas don fhéile faisnéise Stranger Than Fiction chun eagarthóirí, dáileoirí, gníomhairí díolacháin coimisiúnaithe ó thar lear agus cómhaoinitheoirí ábhar eile a mhealladh. Ghlac Bord Scannán na hÉireann páirt i scéim forbartha Super Slate Chomhairle Scannán na Ríochta Aontaithe chun a chinntiú go mbeadh teacht ag léiritheoirí as Éirinn ag a bhfuil taithí ar phríomhdháileoirí, ghníomhairí díolacháin agus chómhaoinitheoirí.

I measc na dtionscnamh eile a sheol Bord Scannán na hÉireann sa bhliain 2004 bhí an Ciste Tacaíochta Réigiúnaí a dearadh chun a chinntiú go n-úsáidfí an raon iomlán de láithreacha Éireannacha i léiriúcháin Bhord Scannán na hÉireann agus comhpháirtíocht Film Dublin atá dírithe ar an bpríomhchathair, Baile Átha Cliath, a dhéanamh níos oiriúnaí do na scannáin. Seoladh an Documenting the Arts Fund, i gcomhar leis an gComhairle Ealaíon, chomh maith.

Gheibheann an tionscal scannán tacaíocht shuntasach ón Rialtas tríd an scéim dhreasachta chánach a oibríonn faoi alt 481 den Acht Comhdhlúite Cánacha 1997 faoina gcuirtear faoiseamh cánach ar fáil d’infheistíocht i léiriúchán scannán. Foilsíodh treoirlínte nua níos soiléire do dheimhniú na dtionscadal faoin scéim i Márta na bliana 2004. Thug leathnú na scéime go dtí deireadh 2008 agus an méadú a tháinig sa mhéid is féidir a bhailiú ó €10.48 milliún go €15 milliún ó 2005 spreagadh suntasach don tionscal agus ag deireadh na bliana chonacthas cobhsú sa leibhéal gníomhaíochta mar

gur deimhníodh 22 tionscadal sa bhliain 2004. Rinneadh socruithe chomh maith d’aistriú den phróiseas deimhnithe chuig na Coimisinéirí Cánach le héifeacht ón 1 Eanáir 2005. Coinneoidh an tAire Ealaíon, Spóirt agus Turasóireachta an fhreagracht maidir le hiarratais a dhaingniú ón gcomhthéacs cultúrtha de, i gcomhar le reachtaíocht na hÉireann agus an AE.

Straitéis 4

Ról an Choiste Chaidrimh Chultúrtha a dheimhniú i bhfianaise fhreagracht an Aire i leith chur chun cinn ealaíne na hÉireann thar lear.

Forálann an tAcht Ealaíon 2003 den chéad uair sa reachtaíocht go mbeidh an tAire freagrach as na healaíona a chur chun cinn taobh amuigh den Stát chomh maith le taobh istigh. D’fhoirmligh an Roinn a cur chuige maidir leis na healaíona a chur chun cinn thar lear sa bhliain 2004. D’eascair an t-eolas don chur chuige seo ó thuarascáil ó chomhairleoir inar áiríodh taighde ar mhúnlaí idirnáisiúnta, ar chleachtais agus ar thaithí in Éirinn agus ár dtosaíochtaí straitéiseacha. Tionóladh cainteanna sonracha i gcomhar leis an Roinn Gnóthaí Eachtracha ar ghné a bhain le taidhleoireacht chultúrtha.

Thionóil an Coiste Caidrimh Cultúrtha, a bunaíodh in 1949, a chruinniú deireanach i Meán Fómhair 2004. Deis ab ea í sin chun comhlacht ionadaíochta a chur ina áit in 2005. Tacóidh an comhlacht nua le gníomhaíochtaí idirnáisiúnta ealaíontóirí thar an réimse chruthaitheach uile lena n-áirítear amharclannaíocht, ceol, damhsa, ceoldrámaíocht agus scannánaíocht, agus cuirfidh sé chuige go réamhghníomhach sa chomhthéacs sin.

Straitéis 5

Frámaíocht acmhainne, polasaí agus reachtaíochta a sholáthar do na Forais Náisiúnta Chultúrtha agus éilimh a éiríonn as athruithe sa tsochaí agus i riachtanais dhlíthiúla á gcur san áireamh.

D’fhoráil Acht na bhForas Náisiúnta Cultúrtha 1997 do stádas féinrialaitheach a thabhairt don Ard-Mhúsaem agus don Leabharlann Náisiúnta. Rinneadh dul chun cinn sa bhliain 2004 ar réimse leathan saincheisteanna i ndáil le cur i bhfeidhm na bpríomhalt den Acht nach bhfuil feidhmithe.

Socraíodh ar chomhaontú le bainistíocht an dá fhoras ar na hacmhainní airgeadais agus daonna atá riachtanach chun cur ar chumas an Ard-Mhúsaeim agus na Leabharlainne Náisiúnta oibriú as a stuaim féin. Cuirfidh sé sin ar chumas an dá fhoras feidhmiú go neamhspleách, ag úrscaoileadh a bhfreagrachtaí iomlána riaracháin, lena n-áirítear iad siúd a d’fheidhmíodh an Roinn Ealaíon, Spóirt agus Turasóireachta ar a son go nuige seo.

D’éirigh thar na bearta leis an bhFéile "ReJoyce – Áth Cliath 2004", a bhí ar siúl ó Aibreán go Lúnasa. Comhordaitheoir Náisiúnta a d’eagraigh na gníomhaíochtaí agus ba Choiste Comhordaithe ar Cheiliúradh Céad Bliain Bloomsday, a bhunaigh an tAire níos luaithe, a bhí i mbun maoirseachta. Bhí sé de shainordú ag an gCoiste, ar a raibh ionadaithe ó na hearnálacha Ealaíon, Amharclannaíochta, na Meánchumarsáide, na Turasóireachta agus an Oideachais meas, staidéar agus ceiliúradh ar shaothar James Joyce a chur chun cinn.

Áiríodh iad seo a leanas ar roinnt de bhuaicphointí na Féile:

• Breis is ochtó ócáid aonarach a bhaineann le saothar Joyce, a chlúdaíonn speictream iomlán d’iarrachtaí ealaíonta;

• Líon mór cuairteoirí chuig Taispeántas clúiteach na Leabharlainne Náisiúnta "James Joyce and Ulysses at the National Library of Ireland";

• An Siompóisiam Idirnáisiúnta James Joyce ba mhó riamh, a mheall breis is 800 toscaire as 32 tír le linn dó a bheith i gColáiste Náisiúnta na hÉireann;

• Ghlac deich míle rannpháirtí páirt i 'Denny's Bloomsday Breakfast' ar Shráid Uí Chonaill ar an Domhnach an 13 Meitheamh;

• Na mílte arís sa lucht féachana ar Shráid Uí Chonaill, don ócáid "Parable of the Plums";

• Mórthaispeántais i nDánlann Acadaimh Ríoga na hÉireann, i Músaem Nua-Ealaíne na hÉireann agus sa Stiúideo Deartha Grafaicí.

D’éirigh le cur chun cinn na hÉireann mar cheann scríbe cultúrtha trí mhargaíocht agus feachtas poiblíochta an-láidir, a chinntigh go raibh gníomhaíochtaí na Féile go mór os comhair an phobail. Bhí sainchúram oideachais an-láidir ag an bhFéile, bhí cláir ag díriú ar dhaltaí bunscoile agus meánscoile, ar úsáideoirí leabharlann, agus orthu siúd a bhí ag tnúth le páirt a ghlacadh i gcúrsaí tráthnóna, díospóireachtaí agus cainteanna.

Rinne comhairleoirí athbhreithniú neamhspleách ar ról, ar fheidhmeanna agus ar eagraíocht Choimisiún na Lámhscríbhinní Éireannacha sa bhliain 2004 agus rinneadh roinnt moltaí a bhfuil an Roinn á meas. Táthar ag súil chomh maith le bheith ag breathnú ar struchtúr corparáideach Choimisiún Lámhscríbhinní Éireannacha, go láidreofar cleachtais ghnó na heagraíochta chomh maith agus é mar aidhm gnóthachtálacha aonaracha an Choimisiúin a dhaingniú i margadh sainithe agus dá bharr sin forbairt agus rathúlacht sa todhchaí a chinntiú.

Táthar ag leanúint de chomhráití ar shaincheisteanna teicniúla agus riaracháin idir ionadaithe ón gCartlann Náisiúnta agus ó Library and Archives Canada agus é mar aidhm leo tionscadal iltaobhach taighde a fhorbairt, a cheadódh, i measc nithe eile, d’ábhar dhaonáireamh 1901 agus 1911 a bheith ar fáil ag an bpobal go leictreonach de bharr teicneolaíochta agus próiseas atá forbartha ag Library and Archives Canada. Táthar ag súil go mbeidh an tionscadal críochnaithe in 2005.

Leanadh ar aghaidh i gcaitheamh na bliana le hoibreacha a bhí ar bun ag forbairt Ard-Mhúsaem na hÉireann, ag Dún Uí Choileáin, agus osclaíodh an stóras nua troscáin san Fhaiche Iompair go hoifigiúil. Tosaíodh ar an obair chun spás nua taispeántais a chur ar fáil in Ard-Mhúsaem na hÉireann, i nDún Uí Choileáin. Lean an obair ullmhúcháin ar Fhoirgnimh don Taispeántas ar an Stair Mhíleata sa bhliain 2004. Críochnaíodh an obair ar halla na coda i saoráid Shráid Chill Dara. Ceann de bhuaicphointí na bliana ab ea nuair a críochnaíodh an tsaoráid stórais Infheicthe d’Ard-Mhúsaem na hÉireann ag Dún Uí Choileáin. Osclaíodh an tsaoráid nua sin go hoifigiúil in Eanáir 2004. Leathnaíodh an caife i Músaem Shaol na Tuaithe i bPáirc na Turlaí, Co Mhaigh Eo agus cuireadh spás breise oideachais ar fáil ag an tsaoráid sin.

Athchóiríodh iarfhoirgneamh an Choláiste Náisiúnta Ealaíne is Deartha chun mórthaispeántas Joycean a lonnú ann agus osclaíodh é i Meitheamh na bliana 2004 mar chuid de cheiliúradh céad bliain Bloomsday.

Straitéis 6

Frámaíocht polasaí a bhunú d’fhonn teacht níos fearr a bheith ag an bpobal ar na bailiúcháin náisiúnta agus d’fhonn forbairt a dhéanamh ar mhúsaeim go háitiúil agus go réigiúnach.

Chuir an Roinn comhairle ar an Aire Comhshaoil, Oidhreachta agus Rialtais Áitiúil i ndáil le Scéim Chreidiúnaithe na Músaem a mhol an Chomhairle Oidhreachta.

Chaith an Roinn go fial freisin leis an gcaiteachas oibriúcháin in: Leabharlann Ard-Easpag Marsh, Músaem Bhád Aeir Fhainge, Músaem Hunt, An Cló-Mhúsaem Náisiúnta, Coimisiún na Lámhscríbhinní Éireannacha agus Cartlann Ailtireachta na hÉireann.

Straitéis 7

Tacú le Comhairle na bhForas Náisiúnta Cultúrtha.

Príomhghné den infreastruchtúr náisiúnta cultúrtha is ea Comhairle na bhForas Náisiúnta Cultúrtha. Spreag an Roinn, tríd an gComhairle, úsáid Ailt 1003 den Acht Comhdhlúite Cánacha, 1997, agus úsáid an Chiste Oidhreachta chun na Bailiúcháin Náisiúnta a leathnú. D’ullmhaigh an Chomhairle Tuarascáil Bhliantúil do 2004.

Forálann Alt 1003 den Acht Comhdhlúite Cánacha, 1997 faoiseamh cánach i leith nithe oidhreachta a bronnadh mar thabhartais ar na Forais Náisiúnta Chultúrtha.

Bronnadh na tabhartais seo a leanas faoin Scéim sa bhliain 2004:

• Fuair Ard-Mhúsaem na hÉireann na saothair dheireanacha an “Leon Collection” de pháipéir Joyce.

• Fuair Músaem Nua-Ealaíne na hÉireann 89 píosa de Bhailiúchán McClelland tríd an Scéim.

Bhunaigh an tAcht um Chiste Oidhreachta, a feidhmíodh sa bhliain 2001, Ciste a raibh teorainn iomlán de bheagnach €12.6 milliún aige thar thréimhse cúig bliana. Forálann an tAcht do

leithroinnt de €3.8 milliún sa bhliain airgeadais 2001, €2.5 milliún i ngach ceann de na blianta airgeadais 2002, 2003 agus 2004 agus faoi dheireadh luach iomlán de €1.3 milliún sa bhliain airgeadais 2005.

Chuir an Ciste Oidhreachta maoiniú de €1.1 milliún ar fáil chun go gceannódh Leabharlann Náisiúnta na hÉireann cuid de shaothar deireanach an “Leon Collection”.

Dul chun cinn i Spriocanna Spóirt

Tá an méid seo a leanas glactha chuici féin ag an Roinn mar sprioc don spórt:

"Cuspóirí an Rialtais a chur i gcrích i leith rannpháirtíocht mhéadaithe sa spórt agus caighdeáin an tsaothraithe sa spórt a fheabhsú agus forbairt a dhéanamh ar shaoráidí spóirt, ar bhonn náisiúnta, réigiúnach agus áitiúil, go speisialta i bpobail atá faoi mhíbhuntáiste trí pholasaí cuí agus éifeachtach a chur ar fáil agus i gcomhthéacs an mhaoinithe phoiblí.”

Straitéis 1

Athbhreithniú a dhéanamh ar úsáid na gcistí poiblí do chláir a chuireann spórt agus gníomhaíocht caithimh aimsire chun cinn agus teacht a bheith go héasca orthu.

Tacaíonn an Roinn le gníomhaíochtaí Chomhairle Spórt na hÉireann, le Rásaíocht Chapall na hÉireann agus le Bord na gCon agus an polasaí spóirt á fheidhmiú aici. Coinníonn an Roinn i dteagmháil go rialta leis na heagraíochtaí seo agus monatóireacht á déanamh aici ar fhorbairt éifeachtach, ar mhaoiniú agus ar fheidhmiú clár, i gcomhar le riachtanais airgeadais agus polasaí an Rialtais. Tugann pleananna agus tuarascálacha bliantúla na dtrí ghníomhaireacht seo mioneolas i dtaobh leibhéal an fheidhmiúcháin agus na dtáscairí atá á gcomhlíonadh. Déanfar athbhreithniú ar chaiteachas Chomhairle Spórt na hÉireann agus athbhreithniú neamhspleách ar na Comhpháirtíochtaí Áitiúla Spórt sa bhliain 2005. Leithroinneadh breis is €14 milliún ar an gComhairle Spórt faoina Straitéis Ardfheidhmiúcháin sa bhliain 2004. Rinneadh athbhreithniú ar ullmhúchán agus ar shaothrú foireann na hÉireann ag na Cluichí Oilimpeacha agus Para-Oilimpeacha san Aithin. Foilsíodh an t-athbhreithniú sin i Márta 2005 agus táthar i mbun oibre chun moltaí an athbhreithnithe a chur i bhfeidhm. Tá maoiniú breise speisialta do 2005 á chur i dtreo tionscnamh chun iománaíocht a chaomhnú agus a fhorbairt ar bhonn náisiúnta, chun tacú

leis na cluichí gaelacha a fhorbairt i mBaile Átha Cliath agus cláir chun níos mó ban a mhealladh i dtreo an spóirt. Thug an Chomhairle Spórt €250,000 ón gciste speisialta seo chun camógaíocht a fhorbairt in Aibreán 2005.

Straitéis 2

Teacht a bheith go héasca ar shaoráidí spóirt agus caithimh aimsire go náisiúnta.

Is é an Clár Caipitil Spórt atá ag an Roinn an príomhchlár chun maoiniú an Rialtais a chur ar fáil chun saoráidí spóirt a fhorbairt ar bhonn áitiúil, réigiúnach agus náisiúnta in Éirinn. D’éirigh go hiontach leis an gclár seo cabhrú le cumainn agus le heagraíochtaí saoráidí nua nó saoráidí feabhsaithe go mór a chur ar fáil ag gach uile leibhéal agus i ngach uile chineál de ghníomhaíochtaí spóirt agus caitheamh aimsire i mbailte beaga, i mbailte móra agus i bparóistí ar fud na tíre. Leithroinneadh beagnach €331 milliún ar bhreis is 4,271 tionscadal dá leithéid sin ó 1997.

Mhaoinigh an clár líon mór saoráidí spórt náisiúnta agus réigiúnacha den chéadscoth chomh maith le go leor de na riachtanais spórt ar bhonn áitiúil a chomhlíonadh. Tugadh aird faoi leith sa bhliain 2004, ar haca agus ar chruicéad náisiúnta chun sraithchomórtais idirnáisiúnta a reáchtáil sa bhliain 2005 a bhreisiú. Osclaíodh mór-ionad ilchuspóireach bardasach i bhFionnghlas luath sa bhliain 2004, ina raibh saoráidí tuilshoilsithe faoi dhíon agus allamuigh chomh maith le linn snámha nua. Tosaíodh ag feidhmiú an Staidiam nua sa Bhaile Gaelach in oirdheisceart Chathair Átha Cliath in 2004 chomh maith.

Cuireann an clár caipitil spórt maoiniú ar fáil chomh maith le hionaid réigiúnacha spórt a fhorbairt ar fud na hÉireann. Cuireadh deontais ar fáil le blianta beaga anuas do thionscadail dá leithéid in Áth Luain, Bré, an Uaimh, Port Láirge agus in go leor bailte eile.

Cabhraíonn cláir saoráidí na Roinne an t-infreastruchtúr fisiceach a chur i bhfeidhm agus ansin is féidir le heagraíochtaí spórt, cumainn agus údaráis áitiúla a ngníomhaíochtaí éagsúla a chur ar fáil ag tabhairt deise do chách páirt a ghlacadh sa spórt agus i bhfóillíocht fhisiceach, agus chun cabhair a thabhairt do Chomhairle Spórt na hÉireann a straitéis a chur i bhfeidhm bunaithe ar rannpháirtíocht, ar shaothrú agus ar bharr feabhais. Ba bhliain thar barr ab ea í 2004 maidir leis na deontais do linnte

snámha. Bhí méadú 96% i gcaiteachas faoin gclár Linnte Snámha. Caitheadh €17.6 milliún, rud nach ndearnadh roimhe, sa bhliain 2004 i gcomparáid le €9 milliún sa bhliain 2003.

Ar na buaicphointí áirítear ceithre thionscadal linnte snámha a osclaíodh don phobal – i bhFionnghlas, ar Oileán an Gharráin i Luimneach, i dTrá Lí agus i gCluain Meala. Ceadaíodh naoi dtionscadal do chabhair deontas rud a d’fhág gur tosaíodh ar an obair thógála i Churchfield, i gCathair Chorcaí, i dTuaim, i mBaile Munna, sa Chóbh, in Eochaill, i nDroichead Átha, i mBaile Formaid, i Ráth Miontáin i gContae Átha Cliath Theas agus i Leitir Ceanainn. Faomhadh trí thionscadal linnte snámha chun dul ar aghaidh go dtí céim na tairisceana agus faomhadh dhá thionscadal chun Doiciméid Conartha a ullmhú ar a mbunaítear céim na tairisceana.

Baineadh amach méadú sa bhreis ar mhaoiniú an chláir linn snámha go €32 milliún in 2005 (méadú 82% ar 2004).

Straitéis 3

Forbairt ar Champas agus Staidiam Éireann a éascú.

D’aontaigh an Rialtas, in Eanáir 2004, maoiniú de €191 milliún a chur ar fáil do chomhthionscadal Aontas Peile Rugbaí na hÉireann agus Chumann Peile na hÉireann d’athfhorbairt Staidiam Bhóthar Lansdúin go staidiam 50,000 suíochán den dearadh is déanaí.

Shínigh an Roinn Ealaíon, Spóirt agus Turasóireachta, Aontas Peile Rugbaí na hÉireann agus Cumann Peile na hÉireann comhaontú foirmiúil dlíthiúil maidir le soláthar an tionscadail. Comhlíonfaidh an staidiam gach caighdeán reatha idirnáisiúnta do rugbaí agus do sacar agus beidh achar na páirce den mhéid suntasach chun an dá chluiche den CLG a chóiriú. Is €250 milliún costas measta an tionscadail seo mar atá na praghsanna faoi láthair nó thart ar €292 milliún nuair a thógtar san áireamh go mbeidh an tionscadal sa siúl thar thréimhse 5 bliana. D’aontaigh an Rialtas €191 milliún a chur ar fáil don tionscadal seo agus cuirfidh Aontas Peile Rugbaí na hÉireann agus Cumann Peile na hÉireann eatarthu €101 milliún ar fáil don tionscadal.

Bhunaigh Aontas Peile Rugbaí na hÉireann agus Cumann Peile na hÉireann Cuideachta Forbartha Staidiam Bhóthar Lansdúin le chéile chun na pleananna don staidiam a fhorbairt agus ceapadh Stiúrthóir Tionscadail chun an tionscadal a bhainistiú. Tá tús curtha cheana féin le céimeanna

ullmhúcháin an tionscadail. Bunaíodh Coiste Stiúrtha, agus Ard-Rúnaí na Roinne mar chathaoirleach air, chun maoirsiú a dhéanamh ar an tionscadal, ar a bhfuil ionadaíocht ó Aontas Peil Rugbaí na hÉireann, Cumann Peile na hÉireann, Oifig na nOibreacha Poiblí, an Roinn Airgeadais agus an Roinn Ealaíon, Spórt agus Turasóireachta. Fógraíodh comórtais tairisceana i Samhain na bliana 2004 chun foireann dearaidh agus foireann bainistíochta tionscadal a cheapadh.

D’údaraigh an Rialtas, ina theannta sin in Eanáir na bliana 2004, d’Fhorbairt Champas agus Staidiam na hÉireann Teo. (CSID) leanúint den fhorbairt chéimneach den champas spórt i mBaile an Aba. Chuaigh Forbairt Champas agus Staidiam na hÉireann Teo. i mbun comhairliúcháin chuimsitheacha leis na comhlachtaí móra rialachais spóirt, le páirtithe leasmhara agus le grúpaí leasmhara chun a riachtanais a mheas agus é mar aidhm acu plean rialaithe forbartha don champas a réadthiomnú. Cuireadh an Plean Rialaithe Forbartha faoi bhráid an Aire i Samhain 2004. Is ar na moltaí seo a bhunófar cinneadh an Rialtais maidir le todhchaí thionscadal an Champais Spórt.

Forbairt Eagraíochtúil sa Roinn

Tá an méid seo a leanas glactha chuici féin ag an Roinn mar sprioc don fhorbairt eagraíochtúil:

"Tacú le cur i bhfeidhm mhisean agus spriocanna earnálacha na Roinne agus tacú le foráil de sheirbhís custaiméara d’ardchaighdeán, trí struchtúir eagraíochtúla agus struchtúir tacaíochta bhreisithe, scileanna agus ábaltachtaí foirne a fhorbairt i gcomhar le clár nuachóirithe na státseirbhíse.”

Straitéis 1

Forbairt Leanúnach den Fhrámaíocht Straitéiseach Bainistíochta.

Lean dúshlán ann féin le bunú na Roinne nua. Cé go ndearnadh roinnt dul chun cinn sa chéad bhliain go leith den Roinn nua agus í ag déileáil le hábhair lóistíochúla mar chóiríocht foirne, mar Theicneolaíocht na Faisnéise agus saincheisteanna eile córais bhí go leor fágtha le déanamh sa bhliain 2004. D’éirigh leis an Roinn forbairt rathúil a bhaint amach ar thuiscint chomhleanúnach ar ghnáthaidhm agus ar aitheantas corparáideach den sainchúram le linn na bliana. D’éirigh leis an Roinn chomh maith na freagrachtaí dúshlánacha a chomhlíonadh i ndáil lena spriocanna a sholáthar faoin Tionscnamh Bainistíochta Straitéisí agus a shainmhínítear in Dul Chun Cinn a Inbhuanú.

Thionóil Coiste Comhpháirtíochta na Roinne sé uaire le linn 2004 agus rinne sé maoirseacht agus d’aontaigh sé ar raon tionscnamh, lena n-áirítear An Plean Gnó 2004, Plean Gnímh agus Tuarascáil Dul Chun Cinn ar Dhul Chun Cinn a Inbhuanú, cur i bhfeidhm de ghné thábhachtach de Straitéis Acmhainní Daonna na Roinne 2003-2005, Cairt an Chustaiméara agus Plean Feidhmithe Chairt an Chustaiméara, Straitéis Theicneolaíocht na Faisnéise chomh maith le Plean Oiliúna na Roinne. Bhí

foghrúpa den Chomhpháirtíocht gníomhach chomh maith i réimsí a bhain le Seirbhís an Chustaiméara agus le Teicneolaíocht na Faisnéise.

Lean an Roinn ag comhlíonadh a spriocanna aontaithe mar chuid den chlár nuachóirithe de Dhul Chun Cinn a Inbhuanú. Tomhaistear an dul chun cinn ar spriocanna agus ar chuspóirí atá leagtha amach i bPlean Gnímh na Roinne atá riachtanach mar chuid de Dhul Chun Cinn a Inbhuanú in aghaidh raon de spriocanna agus de chuspóirí atá leagtha amach i straitéisí éagsúla. Tá siad mionsonraithe i bPlean Gnímh na Roinne. Scrúdaíonn an Grúpa Fíorúcháin Feidhmíochta na Státseirbhíse an dul chun cinn. Bunaíodh an Grúpa Fíorúcháin Feidhmíochta chun dul chun cinn ar sholúbthacht agus ar nuachóiríocht faoi théarmaí Dul Chun Cinn a Inbhuanú a mheas. Ghlac an Grúpa Fíorúcháin Feidhmíochta i mbliana go raibh dul chun cinn go leor déanta ag an Roinn ar a Plean Gnímh d’fhonn íocaíocht ar arduithe pá dlite ón 31 Nollaig 2004 a bharántú.

Straitéis 2

Ábaltacht agus Solúbthacht eagraíochtúil a bhreisiú.

Leanadh ó 2003 le cur i bhfeidhm Straitéis Acmhainní Daonna na Roinne, a dearadh chun feidhmiúchán na heagraíochta agus feidhmiúchán na mball foirne aonarach araon a bhreisiú. Críochnaíodh polasaí Rannach ar Chiapadh agus ar Bhulaíocht san ionad oibre a dearadh chun tacú le comhshaol deimhneach san ionad oibre a fhorbairt.

Cuireadh líon áirithe de na mórghnéithe a bhí i bPlean Oiliúna na Roinne i bhfeidhm. Thosaigh an clár oiliúna inar ghlac gach ball foirne páirt i mBealtaine 2004. Bunaíodh an clár go príomha ar na riachtanais aonaracha oiliúna a aithníodh tríd an gCóras Bainistíochta agus Forbartha Feidhmíochta agus trí chainteanna le Cinn na nAonad. Chlúdaigh an oiliúint réimse de scileanna bainistíochta ábharthacha agus cuí ach ba sraith de thionscadail bunaithe ar shaincheisteanna cothrománacha gnó ar aithníodh go raibh aird le tabhairt ag an Roinn orthu, lárphointe an chláir. Is mar seo a leanas a bhí na tionscadail ag leibhéal na bainistíochta sinsearaí:

• Scóip sineirgíochta idir trí réimse fheidhmiúla na Roinne (ealaíona, spórt agus turasóireacht)

• Pleanáil ghnó agus leagan amach spriocanna straitéiseacha na Roinne a fheabhsú

• Conas caidreamh le gníomhaireachtaí feidhmeannacha na Roinne, a bhreisiú

Áiríodh ar na tionscadail eile:

• Scrúdú ar Shuíomh Gréasáin na Roinne

• Cumarsáid inmheánach

• Úsáid na mbogearraí/na gcrua-earraí atá ar fáil

• Riachtanais oiliúna na foirne

• Ról na nOifigeach Cléireachais

• Soghluaisteacht na Foirne

• Scéim Gaeilge na Roinne

Tosaíodh ar roinnt de na tionscadail seo agus críochnaíodh iad mar chuid den chlár oiliúna le linn 2004. Críochnófar cinn eile in 2005.

Tionóladh comhdháil do bhainistíocht shinsearach in 2004 bunaithe ar na tionscadail. Aontaíodh ar líon áirithe tionscnamh chun moltaí na dtrí thionscadal a chur chun cinn agus tosaíodh ar a gcur i bhfeidhm. Rinne an Coiste Comhairleach Bainistíochta tiomantas scrúdú a dhéanamh ar gach tionscadal agus na moltaí a rinne gach grúpa a fhorbairt.

Tá Aonad Oiliúna na Roinne ag feidhmiú a pholasaí nua ionduchtúcháin, ag cur oiliúna ar bhaill foirne áirithe i sláinte agus sábháilteacht, i dTeicneolaíocht na Faisnéise, sa Ghaeilge agus i dTeangacha Eorpacha, oiliúint i mbainistíocht ghinearálta agus in airgeadas chomh maith le tacaíocht a thabhairt d’fhorbairt na foirne trí Scéim Aisíoc ar Tháillí na Roinne. Ba €352,000 caiteachas iomlán na Roinne ar oiliúint le linn na bliana.

Dhírigh Suirbhé Meanman, a rinneadh sa Roinn lárnach agus sna trí Fhoras Chultúrtha, ar thuiscint na foirne ar chur i bhfeidhm na dtrí chuid den Phróiseas Bainistíochta agus Forbartha Feidhmíochta viz Próifílí Róil, Athbhreithnithe Eatramhacha agus Athbhreithnithe Bliantúla. Tosaíodh ar Phlean Oiliúna don Ard-Mhúsaem na hÉireann, don Leabharlann Náisiúnta agus don Chartlann Náisiúnta i dtreo dheireadh na bliana agus é mar aidhm é a bheith críochnaithe luath in 2005.

Lean an obair, le linn 2004, ar an bhFrámaíocht Bainistíochta Faisnéise a chur i bhfeidhm. Thosaigh an Roinn próiseas, i Nollaig 2003, chun córas airgeadais cuí a aithint agus a sholáthar. D’aithin an Roinn, áfach, tar éis taighde fairsing a rinne foireann inmheánach den Fhrámaíocht Bainistíochta Faisnéise, gurbh í saoráid na Seirbhísí Roinnte Airgeadais a sholáthraíonn an Roinn Dlí agus Cirt, Comhionannais agus Athchóirithe Dlí i gCill Airne, an rogha ab fhearr a raibh buntáiste eacnamaíoch léi a bhí ar fáil don Roinn chun córas bainistíochta airgeadais, géilliúil don Fhrámaíocht Bainistíochta Faisnéise, a chur i bhfeidhm. D’fhormhuinigh an Lárionad d’Fhorbairt Bainistíochta agus Eagrúcháin sa Roinn Airgeadais an tuairim sin. Thosaigh an próiseas athbhreithnithe feidhmiúcháin in Iúil 2004. Ba dheireadh Mhárta 2005 dáta a úsáidte. Ón dáta sin, is i gCill Airne a thabharfar gach sonra airgeadais a bhaineann leis an Roinn agus gach tuarastal agus gach íocaíocht soláthróra le chéile ar bhonn gníomhaireachta. Bhí an tionscadal ag feidhmiú ar sceideal agus laistigh den bhuiséad mar a bhí ag deireadh 2004.

Straitéis 3

An polasaí státseirbhíse ar chomhionannas deiseanna a chur i bhfeidhm.

Tá an Roinn tiomanta i leith réimse gníomhartha d’fhonn comhionannas deiseanna i ndáil le polasaí comhionannais na státseirbhíse faoin teideal “Éagsúlacht sa Státseirbhís” a chur chun cinn, mar chuid dá Straitéis Acmhainní Daonna a aontaíodh i Meitheamh na bliana 2003. Deireanach sa bhliain 2003 d’aontaigh an Roinn chomh maith, páirt a ghlacadh in athbhreithniú an Údaráis Chomhionannais, a bhí le déanamh sa bhliain 2004, ar thionscnaimh chomhionannais sna hearnálacha Ealaíon, Spóirt agus Turasóireachta a sholáthróidh eolas faoi fhorbairt de pholasaithe comhionannais níos sainiúla sa Roinn agus ina gníomhaireachtaí.

Tá an Roinn ag leanúint dá monatóireacht ar rannpháirtíocht agus ar thorthaí ó thaobh inscne agus aoise i gcomórtais inmheánacha d’ardú céime agus tá sí ag leanúint dá hiarrachtaí rannpháirtíocht bhan a mhéadú sna gráid mheánsinsearacha bainistíochta. Faoi dheireadh na bliana 2003, ba 41% agus 33% faoi seach, na céatadáin a bhain le hionadaíocht bhan ag leibhéal na bPríomh-Oifigeach Cúnta (PC) agus na bPríomh-Oifigeach (PO). Tá teorainn riachtanach lena bhfuil de thionchar ag an Roinn ar leibhéil ionadaíochta ban i ngráid an PC agus an PO mar gurb é Seirbhíse um Cheapacháin

Phoiblí atá i bhfeighil earcaíochta go lárnach agus mar go bhfuil dualgais phainéil ar an Roinn i ngráid an PC agus an PO agus go mbeidh tionchar ag dílárú air sa todhchaí.

I dtéarmaí comhionannais i soláthar seirbhíse de, tá tiomantas i gCairt Chustaiméara na Roinne i leith polasaí ComhStádais.

Straitéis 4

Seirbhís d’ardchaighdeán a sholáthar dár gcustaiméirí.

I mBealtaine na bliana 2003, d’aontaigh an Coiste Comhpháirtíochta ar Chairt an Chustaiméara don Roinn nua a leagan amach réimse de chaighdeáin seirbhíse de réir an dá phrionsabal déag de Sheirbhís Ardchaighdeáin an Chustaiméara a chuirtear i bhfeidhm sa státseirbhís go léir. Sa bhreis sa Chairt bhí Plean inmheánach Gnímh an Chustaiméara a bhí aontaithe ag an gCoiste Comhpháirtíochta i nDeireadh Fómhair 2003. Sa Phlean Gnímh seo leagadh amach an bealach ina gcuirfidh an Roinn na caighdeáin seirbhíse, atá breactha i gCairt an Chustaiméara atá aici, i bhfeidhm agus an bealach ina ndéanfar monatóireacht orthu. De réir Phlean Gnímh inmheánach an Chustaiméara bunaíodh líonra inmheánach d’oifigeach idirchaidrimh custaiméirí sa bhliain 2003 ar a raibh ionadaithe ó gach Rannóg den Roinn, d’fhonn maoirseacht a dhéanamh ar chur i bhfeidhm na Cairte agus d’fhonn tuarascáil ar dhul chun cinn a chur faoi bhráid an Choiste Chomhpháirtíochta.

Taispeánann an t-aiseolas cothrom le dáta atá faighte ó chustaiméirí, ar a ndéantar monatóireacht go príomha trí chártaí tráchta saorphoist na Roinne do chustaiméirí, go gceapann 93% de na daoine a líonann na cártaí go bhfuil seirbhís na Roinne díreach nó níos fearr ná mar a bhí súil léi.

Is é an Clár Caipitil Spórt an príomhchlár a chuir an Roinn ar fáil go díreach don phobal. Leagtar béim áirithe ar fheabhas a chur ar na gnéithe den Chlár a bhaineann le seirbhís an chustaiméara, lena n-áirítear:

• seisiúin speisialta eolais d’eagraíochtaí ó cheantair faoi mhíbhuntáiste agus do ghníomhaireachtaí a bhíonn ag plé leis an heagraíochtaí sin chun iad a chur ar an eolas faoin gClár, faoina

riachtanais agus na spriocanna ama atá leis agus chun cuidiú leo déileáil leis na castachtaí a bhaineann le próiseas an iarratais ar dheontais

• athbhreithniú ar cháipéisíocht an Chláir chun breis eolais, faoi na riachtanais a ghabhann le hiarratais, a chur ar fáil do chustaiméirí

• foirm admhála inscortha, ina gcinntítear go raibh an t-iarratas faighte, agus ina luaitear an fráma ama a mheastar don phróiseas cinntí, a sheoladh ar ais le casadh an phoist agus

• nósanna imeachta dlíthiúla a líomhchóiriú agus laghdú ar chostais na n-iarrthóirí trí idirghabhálacha le hOifig Phríomh-Aturnae an Stáit.

Straitéis 5

Teicneolaíocht na Faisnéise a fhorbairt agus a bhainistiú d’fhonn tacú le misean agus cuspóirí na Roinne a chur i bhfeidhm.

D’éirigh go maith le haistriú agus le lánpháirtiú fhoireann na nEalaíon/ na bhForas Cultúrtha go dtí líonra limistéar áitiúil na Roinne. Ina theannta sin d’éirigh leis an Roinn san aistriú go dtí líonra príobháideach samhaltach na Roinne/Eircom do chomhcheangaltacht sheachtrach. Cuireadh córas nua níos fearr frithvíris isteach lena n-áirítear córais scagacháin ríomhphoist agus gréasáin ionas go mbeadh an líonra níos sábháilte agus níos sláintiúla. Cuireadh isteach crua-earraí agus bogearraí nua falla tine chomh maith atá ábalta riachtanais sábháilteachta na seirbhísí nua den líonra príobháideach samhaltach a chomhlíonadh.

Forbraíodh Straitéis Theicneolaíocht na Faisnéise na Roinne do 2003-2006 agus d’fhormhuinigh an Coiste Comhpháirtíochta í ina dhiaidh sin. Cuireadh rannóg uathoibríoch chartlainne de Phreas-sheomra isteach ar shuíomh gréasáin na Roinne ionas go mbeadh sé níos éasca ábhar a fhoilsiú. Coimisiúnaíodh iniúchadh míosúil ar inrochtaineacht (WAI leibhéal 1) ó chomhairleoirí seachtracha d’fhonn a chinntiú go gcomhlíonfadh an suíomh gréasáin an tiomantas seo go seasta.

Straitéis 6

Polasaithe Shochaí na Faisnéise agus na Seirbhíse r-Phobail a neadú in eagrúchán agus i bpleanáil na Roinne.

Leanann an Roinn sa réimse seo de bheith ag díriú go príomha ar fhorbairt agus ar uasghrádú an tsuímh ghréasáin ( www.gov.ie/arts-sport-tourism ). Déanann an Roinn monatóireacht ar an suíomh gréasáin ar bhonn leanúnach chun a chinntiú go bhfuil sé cothrom le dáta. Tá sé fós ar cheann de na chéad suíomh gréasáin a bhfuil deimhniú mar go bhfuil sé chomh hinrochtaineach is is féidir leis a bheith d’úsáideoirí faoi mhíchumas, agus déanann comhairleoir seachtrach, ag a bhfuil sé mar aidhm aon diall a thabhairt faoi deara agus leigheas a fháil ar aon diall a thugtar faoi deara, an leibhéal inrochtaineachta seo a sheiceáil go míosúil.

Tá measúnú á dhéanamh ar an bpróiseas iarratas ar líne do Scéim Deontais an Chláir Bhliantúil Chaipitil Spórt, ar ar cuireadh feabhas sa bhliain 2002, d’fhonn é a fheabhsú a thuilleadh.

Rinneadh nuachóiriú agus uasghrádú ar shábháilteacht na saoráidí r-phoist agus Idirlín a bhíonn in úsáid ag an Roinn.

Straitéis 7

Iniúchadh agus ábaltacht meastóireachta na Roinne a fheabhsú.

Ba í tuarascáil an Ghrúpa Oibre ar Fhreagracht na nArd-Rúnaithe agus na nOifigeach Cuntasaíochta (tuarascáil Mhullarkey), a cheadaigh an Rialtas i mí na Nollag 2002, ba chúis leis na hathruithe suntasacha san fheidhm iniúchta inmheánaigh le linn 2003.

Ceapadh Ceann Iniúchta Inmheánaigh a bheidh ag tuairisciú go díreach chuig an Ard-Rúnaí agus atá freagrach as aonad iniúchta inmheánaigh neamhspleách atá ag feidhmiú go hiomlán. Aontaíodh ar Chairt Iniúchta agus críochnaíodh clár iomlán d’iniúchtaí córais-bhunaithe de réir clár aontaithe iniúchta don bhliain. Táthar tar éis Coiste Iniúchta a bhunú don Roinn. Bhí a chéad tionól aige i Márta na bliana 2004.

Táthar i mbun oibre ar straitéis bainistíochta riosca a fhorbairt don Roinn.

Straitéis 8

Dúnadh Foirmiúil Chlár Oibriúcháin na Frámaíochta um Thacaíocht Chomhphobail 1994-1999 i réimse na Turasóireachta.

Críochnaíodh Tuarascáil Dheireanach de Chlár Oibriúcháin na Turasóireachta 1994-1999 i bhFeabhra na bliana 2003. Tá an obair bhreise i ndáil le dúnadh an Chláir, i gcomhar leis an Roinn Airgeadais agus leis an gCoimisiún Eorpach, fós ar bun.

Aguisín 1

Turasóireacht

Sprioc Ardleibhéil

Forbairt leanúnach i dtionscal na turasóireachta a éascú d’earnáil turasóireachta eacnamaíoch, ag a mbeadh comhshaol inmharthana agus í cothrom go spásúil, trí raon de pholasaithe agus de chláir thacaíochta a fhoirmliú, monatóireacht agus athbhreithniú a dhéanamh orthu, go speisialta taobh istigh de fhrámaíocht an Phlean Forbartha Náisiúnta agus an Chomhoibrithe Thuaidh/Theas.

Straitéis		Aschuir		Táscairí Feidhmiúcháin		Toradh
1	Athbhreithniú a dhéanamh ar pholasaí agus ar fheidhmiú na Turasóireachta.		Rúnaíocht a sholáthar don Ghrúpa Athbhreithnithe, lena n-áirítear tacaíocht don Chathaoirleach, ionchuir áirithe a fhorbairt agus chomhordú a dhéanamh ar ionchuir eile.		Tuarascáil ar Dhul Chun Cinn faoi dheireadh Aibreán 2003. Athbhreithniú críochnaithe faoi lár 2003. Torthaí an Athbhreithnithe curtha i bhfeidhm, mar is cuí.		Tionóladh Fóram Comhairliúcháin Phoiblí in Aibreán 2003. Cuireadh Tuarascáil Eatramhach faoi bhráid an Aire i mBealtaine 2003. Seoladh an Tuarascáil Dheireanach “Fís Nua don Turasóireacht in Éirinn: Clár Oibre don Chur i nGníomh” ar an 30 Meán Fómhair 2003. Grúpa Feidhmiúcháin do Phlean Gnímh na Turasóireachta bunaithe ag an Aire in Eanáir 2004. An Chéad Tuarascáil ar Dhul Chun Cinn an Ghrúpa Feidhmiúcháin curtha faoi bhráid an Aire, Lúnasa 2004. Fóram Turasóireachta tionólta in Ospidéal Ríoga Chill Mhaighneann ar an 17 Samhain 2004.
2	Meicníocht nua a chur i bhfeidhm maidir le tacaíocht Stáit a sholáthar don turasóireacht.		Feidhmiú céimneach éifeachtach agus feidhmiúil de Fáilte Ireland.		Socrúcháin éifeachtacha monatóireachta agus idirchaidreamh le foireann bainistíochta nua Fáilte Ireland curtha i		Struchtúir dhaingnithe monatóireachta agus idirchaidreamh bunaithe.

Measúnú ar shocrúcháin fhorasacha chun an polasaí turasóireachta a chur ar fáil ar bhonn fonáisiúnta.

bhfeidhm faoi Mhárta 2004.

Struchtúr agus leibhéil na foirne aontaithe faoi Mheitheamh 2004.

Fáilte Ireland i gcomhréir le riachtanais an Rialachais Chorparáidigh.

Plean Corparáideach agus pleananna Gnó do Fáilte Ireland críochnaithe de réir na spriocanna ama aontaithe agus aird chuí tugtha ar mholtaí an Ghrúpa Athbhreithnithe Pholasaí na Turasóireachta.

Measúnú ar struchtúir fonáisiúnta críochnaithe faoi Aibreán 2004.

Socrúcháin chuí foirne aontaithe.

Chlóigh Fáilte Ireland le Riachtanais an Rialachais Chorparáidigh.

Moltaí Ghrúpa Athbhreithnithe Pholasaí na Turasóireachta léirithe i bPlean Oibriúcháin Fáilte Ireland.

Obair ar Ráiteas Straitéise tugtha ar aghaidh go mór.

Comhairleoirí faighte ag Fáilte Ireland chun athbhreithniú a dhéanamh ar Struchtúir Réigiúnacha.

Teacht go héasca a bheith ar agus athbhreithniú a dhéanamh ar úsáid na gcistí poiblí i gcomhair mhargaíocht agus chur chun cinn na turasóireachta.

Monatóireacht agus meastóireacht rialta a dhéanamh ar chur i bhfeidhm Bheartas Margaíochta na Turasóireachta i gClár Oibriúcháin na hEarnála Táirgiúla faoin bPlean Forbartha Náisiúnta ag Tourism Ireland agus ag Fáilte Ireland.

Táscairí do mhargaíocht agus d’fheidhmiúchán dhul chun cinn na turasóireachta aitheanta agus léirithe i bPleananna Margaíochta Tourism Ireland agus Fáilte Ireland agus i bPlean Corparáideach Tourism Ireland (02-04) agus tuairisc déanta orthu ina dTuarascálacha Bliantúla ó 2002.

Athbhreithniú ar straitéis ghnó Tourism Ireland a críochnaíodh faoi dheireadh 2003 faoi réir forbairtí sa phróiseas comhoibriúcháin Thuaidh/Theas.

Comhphleananna Margaíochta do 2004 réadtiomnaithe i gcomhar le cuspóirí/spriocanna an Phlean Forbartha Náisiúnta.

Tuarascálacha bliantúla Tourism Ireland agus Fáilte Ireland do 2003 a thuairiscíonn ar an bhfeidhmiúchán de réir cuspóirí /spriocanna a leagadh amach.

Athbhreithniú Eagraíochtúil críochnaithe agus tús curtha lena chur i bhfeidhm.

Athbhreithnithe Margaidh déanta ag Tourism Ireland sa Bhreatain agus ar Mhór-

Tuairisc gach sé mhí ar an dul chun cinn i gcur i bhfeidhm Chlár Oibriúcháin na hEarnála Táirgiúla ag Tourism Ireland agus ag Fáilte Ireland.			Roinn na hEorpa. Tuarascálacha ar dhul chun cinn gach sé mhí agus go bliantúil críochnaithe i gcomhar le riachtanais Chlár Oibriúcháin na hEarnála Táirgiúla.
4	Athbhreithniú a dhéanamh ar úsáid an mhaoinithe phoiblí chun forbairt a dhéanamh ar acmhainní daonna, ar earcaíocht agus ar oiliúint d’earnáil na turasóireachta agus teacht níos fusa a bheith ar an maoiniú sin. Moltaí	cuí Ghrúpa Athbhreithnithe Pholasaí na Turasóireachta á gcur i bhfeidhm ag Fáilte Ireland. Fobheartas na Turasóireachta ar Chlár Oibriúcháin d’Fhorbairt na Fostaíochta agus na nAcmhainní Daonna curtha i bhfeidhm ag Fáilte Ireland.		Pleananna nua Acmhainní Daonna agus oiliúna ullmhaithe ag Fáilte Ireland i gcomhar le moltaí an Ghrúpa Athbhreithnithe. Tuarascálacha d’fhorbairt na nAcmhainní Daonna agus oiliúna aitheanta agus léirithe i bPleananna Gnó agus Corparáideacha Fáilte Ireland. Tuairisc ar dhul chun cinn gach sé mhí ar chur i bhfeidhm Fáilte Ireland d’fhobheartais turasóireachta Chlár Oibriúcháin d’Fhorbairt na Fostaíochta agus na nAcmhainní Daonna.	Taighde agus anailís críochnaithe ar Straitéis nua Forbartha na nAcmhainní Daonna. Áiríodh táscairí feidhmiúcháin i bPlean Oibriúcháin Fáilte Ireland do 2004 i gcomhar le spriocanna an Phlean Forbartha Náisiúnta. Tuarascálacha ar dhul chun cinn gach sé mhí críochnaithe do 2004 i gcomhar le riachtanais Chlár Oibriúcháin d’Fhorbairt na Fostaíochta agus na nAcmhainní Daonna.
5	Athbhreithniú a dhéanamh ar úsáid an mhaoinithe phoiblí chun forbairt chothrom inmharthana a dhéanamh ar tháirge na turasóireachta agus chun caighdeán an táirge a fheabhsú agus teacht níos fusa a bheith ar an maoiniú sin.	Scéim Forbartha um Tháirge na Turasóireachta curtha i bhfeidhm ag Fáilte Ireland i gcomhar leis na spriocanna.		Tuarascáil Bhliantúil Chathaoirleach Bhoird Bainistíochta um Tháirge Turasóireachta ar oibríocht na Scéime Forbartha um Tháirge Turasóireachta. Thángthas ar chinneadh faoi na tionscadail a tháinig isteach ar an gcéad ghlaoch faoi Mhárta 2004. Tuarascálacha dul chun cinn gach sé mhí ag Fáilte Ireland ar chur i bhfeidhm na scéime.	Toradh sásúil ar athbhreithniú lártéarmach an Phlean Forbartha Náisiúnta. Faomhadh deontais de €30.896 milliún san iomlán do 41 tionscadal agus deontais choinníollacha de €4.086 milliún san iomlán do 7 tionscadal eile sa bhreis faoi dheireadh 2004. Tugadh cuireadh do thograí breise infheistíochta i mí na Nollag 2004 do Chatagóir na gCaitheamh Aimsire

Cinneadh an Rialtais maidir le Forbairt Lár-Ionad Comhdhála Náisiúnta a chur i bhfeidhm.

Corás

Rangaithe éigeantach d’óstáin agus do thithe lóistín.

Measúnú déanta ar léirithe spéise faoi dheireadh Feabhra 2004.

Tairiscintí mionsonracha measta faoi Iúil 2004.

Conradh do sholáthar an tionscadail críochnaithe faoi Lúnasa 2004.

Córas nua éigeantach rangaithe d’óstáin agus do thithe lóistín aontaithe faoi Mheitheamh 2004.

Sainspéise faoin dara Glaoch.

Fuarthas ceithre Léiriú Spéise faoin dáta deiridh 21 Eanáir 2004.

Cuireadh triúr iarrthóirí ar an ngearrliosta in Iúil 2004, tar éis measúnaithe, chun dul ar aghaidh go dtí an gcéad chéim eile den chomórtas.

Eisíodh cáipéisíocht tairisceana chuig triúr iarrthóirí i Nollaig 2004.

Cuireadh athbhreithniú den chóras rangaithe/grádála do chóiríocht sa turasóireacht chun cinn.

Aguisín 2

Na hEalaíona agus Na Forais Chultúrtha

Sprioc Ardleibhéil

Cleachtadh na n-ealaíon agus tuiscint orthu a chothú, agus chur ar chumas na bhForas Náisiúnta Cultúrtha ár n-oidhreacht soghluaiste agus ár sócmhainní cultúrtha a bhailiú, a chaomhnú, a chosaint agus a léiriú i láthair trí fhrámaíocht chuí reachtaíochta, polasaí agus acmhainní a chur ar fáil.

.	Straitéis	Aschuir	Táscairí Feidhmiúcháin	Toradh
1	Frámaíocht reatha reachtaíochta do na healaíona a uasghrádú.	Achtaíodh an Bille Ealaíon 2002. Forbairt polasaithe maidir leis na healaíona ag éirí as achtú na reachtaíochta.	Cuireadh an tAcht Ealaíon i bhfeidhm. Cead ón Rialtas maidir le polasaithe a bhain leis na healaíona.	Achtaíodh an tAcht Ealaíon, Lúnasa 2003. D’fhoilsigh an Chomhairle Ealaíon tuarascáil an Choiste Speisialta maidir leis na healaíona traidisiúnta.
2	Tacaíocht a thabhairt d’fhorbairt bhreise a dhéanamh ar infreastruchtúr na n-ealaíon agus an chultúir lena n-áirítear ealaín phoiblí.	Clár aontaithe curtha i bhfeidhm faoin Scéim um Thacaíocht Bhreise Chaipitil do na hEalaíona agus don Chultúr. Obair i dtreo tionscadail eile chaipitil a chríochnú agus i dtreo tionscadail nua chaipitil a fhorbairt. Comhordú, dul chun cinn agus tacaíocht do thionscnaimh san ealaín phoiblí ón Rialtas agus ó Ghníomhaireachtaí eile Stáit.	Cur i bhfeidhm tionscadal ar ceadaíodh maoiniú dóibh faoin Scéim um Thacaíocht Bhreise Chaipitil do na hEalaíona agus don Chultúr faoi dheireadh 2004. Aontaíodh ar threoirlínte ar nósanna imeachta agus ar chur chuige maidir le Gníomhaireachtaí Stáit a bheith ag coimisiúnú ealaíne phoiblí ag deireadh 2003.	Fáil níos forleithne a bheith ar infreastruchtúr ealaíon agus cultúrtha ar fud na tíre, de réir mar atá tionscadail ag teacht chun cinn. Tá Treoirlínte foilsithe ag an gCoiste Idir-Rannach, maidir le cur i bhfeidhm na Scéime.
3	Infheistíocht a spreagadh i ndéantúsaíocht scannán in Éirinn.	Comhthéacs ghnásúil líomhchóirithe d’fheidhmiú na Scéime Cánach d’Alt 481. Scrúdú a dhéanamh ar chomhaontaithe déthaobhacha comhléirithe.	Treoirlínte nua le heisiúint faoi lár na bliana 2003. Cur i bhfeidhm na gcomhaontaithe d’fhonn léiriú scannán a éascú.	Treoirlínte eisithe i Márta 2004. Nósanna imeachta nua curtha i bhfeidhm o tosnu 2005 i gcomhthéacs an Achta Airgeadais 2004. Tá deimhniú na dtionscadal faoi bhráid na gCoimisinéirí Ioncaim

55 . Straitéis Aschuir Táscairí Feidhmiúcháin Toradh

anois.

Scéim le leanúint go deireadh 2008 agus an chaidhp ardaithe go €15 milliún in aghaidh an tionscadail.

Cainteanna ag céim bhreisithe/dheireanach le líon áirithe tíortha.

Úsáid á baint ag tionscal na scannán as téarmaí comhaontaithe dá leithéid.

Ról an Choiste Chaidrimh Chultúrtha a dheimhniú i bhfianaise fhreagracht an Aire i leith chur chun cinn ealaíne na hÉireann thar lear mar atá leagtha síos san Acht Ealaíon 2003.

Téarmaí tagartha cuí forbartha.

Coiste nua ceaptha agus maoiniú sásúil daingnithe faoi mhí na Samhna 2003.

Comhaontuithe soiléire i bhfeidhm do chur chun cinn ealaíona na hÉireann thar lear.

Infreastruchtúr fisiceach, caighdeáin léirithe agus ábhar bailiúcháin feabhsaithe ag na Forais Chultúrtha.

Ábaltacht na bhForas Cultúrtha maidir lena n-oibleagáidí reachtúla, riaracháin agus eile a chomhlíonadh.

Ábhar bailiúcháin do na Bailiúcháin Náisiúnta trí úsáid an Chiste Oidhreachta & Ailt 1003 den Acht Comhdhlúite Cánacha, 1997.

An stóras nua troscáin i nDún Uí Choileáin críochnaithe (Músaem na nEalaíon Maisiúil agus na Staire).

Iarfhoirgneamh an Choláiste Náisiúnta Ealaíne agus Deartha d’fhonn mórthaispeántas Joycean de chuid na Leabharlainne Náisiúnta a thaispeáint ann sa bhliain 2004.

Oibreacha leanúnacha i saoráidí Ard-Mhúsaem na hÉireann i Sráid Chill

56 . Straitéis Aschuir Táscairí Feidhmiúcháin Toradh

Cinneadh ar fhorbairt straitéiseach fhadtéarmach don Cheoláras Náisiúnta.

Taithí d’ardchaighdeán ag na Forais Chultúrtha do gach úsáideoir.

Cuspóirí straitéiseacha, táscairí feidhmiúcháin agus meicníochtaí d’athbhreithniú gnóthachtálacha aontaithe agus comhoibriú idirfhorais.

Cinneadh ar shuíomh.

Fráma ama aontaithe d’fhorbairt an tionscadail.

Uchtú na bhForas Náisiúnta Cultúrtha de spriocanna ábharthacha bliantúla agus de tháscairí feidhmiúcháin lena n-áirítear aitheantas a thabhairt do ‘ardchaighdeán’ taithí na n-úsáideoirí chomh maith leis an líon úsáideoirí.

Cuspóirí aontaithe.

Meicníocht curtha i bhfeidhm.

Dara, i nDún Uí Choileáin agus i bPáirc na Turlaí.

Obair leanúnach ar chlár forbartha na Leabharlainne Náisiúnta.

Rinneadh dianscrúdú ar shuíomh Údarás Forbartha Cheantar Dugaí Átha Cliath a ofráladh in Imchuach na Mórchanála don Cheoláras Náisiúnta ach ní raibh sé feiliúnach. Tá an Roinn ag tabhairt faoi scrúdú anois ar roghanna eile, go háirithe ar an suíomh atá ann cheana.

Líon na gcuairteoirí ag a raibh taithí d’ardchaighdeán méadaithe.

Aontaíonn na Forais Náisiúnta Chultúrtha ar cheisteanna atá mar ábhar spéise dóibh araon Chomhairle na bhForas Náisiúnta Cultúrtha. Tá líon áirithe grúpaí oibre bunaithe ag an gComhairle.

Frámaíocht polasaí a bhunú d’fhonn teacht níos fearr a bheith ag an bpobal ar na bailiúcháin náisiúnta agus d’fhonn forbairt a dhéanamh ar mhúsaeim go háitiúil agus go

Polasaithe i bhfeidhm chun rochtain réigiúnach níos fearr agus chun taithí níos fearr ar na hEalaíona a cheadú.

Polasaí nua aontaithe do chúram, do thaispeántas agus do léiriú ceart na ndéantán/ na mbailiúchán tábhachtach réigiúnach.

Teacht níos fearr ag daoine sna réigiúin ar thaithí a fháil, agus eolas a fháil ar bhailiúcháin náisiúnta –ag cinntiú ábharthacht na bhForas Cultúrtha do níos mó saoránach.

Ábaltacht taispeántais náisiúnta a bhogadh (nó cuid de na taispeántais)

Forbairt de mhúsaeim náisiúnta agus áitiúla ainmnithe faoi Acht na bhForas Cultúrtha, 1997.

57 . Straitéis Aschuir Táscairí Feidhmiúcháin Toradh

réigiúnach.			go hionaid chuí réigiúnacha.
7	Tacú le Comhairle na bhForas Náisiúnta Cultúrtha.	Oibríocht éifeachtach fheidhmiúil Chomhairle na bhForas Náisiúnta Cultúrtha, go háirithe i dtaca le sainchúram reachtúil na Comhairle maidir leis an gCiste Oidhreachta.		Tuarascáil Bhliantúil Chomhairle na bhForas Náisiúnta Cultúrtha agus tuarascálacha speisialta agus comhairle ó am go ham ar iarratas an Aire.	Doiciméad polasaí ar Oideachas agus ar Fhor-Rochtain á ullmhú.

Aguisín 3

Spórt

Sprioc Ardleibhéil

Cuspóirí an Rialtais a chur i gcrích i leith rannpháirtíocht mhéadaithe sa spórt agus caighdeán an tsaothraithe sa spórt a fheabhsú agus forbairt a dhéanamh ar shaoráidí spóirt, ar bhonn náisiúnta, réigiúnach agus áitiúil, go speisialta i bpobail atá faoi mhíbhuntáiste trí pholasaí cuí agus éifeachtach a chur ar fáil agus i gcomhthéacs an mhaoinithe phoiblí.

Straitéis

Aschuir

Táscairí Feidhmiúcháin

Toradh

Athbhreithniú a dhéanamh ar úsáid na gcistí poiblí do chláir a chuireann spórt agus gníomhaíocht caithimh aimsire chun cinn agus teacht a bheith go héasca orthu.

Monatóireacht agus meastóireacht rialta a dhéanamh ar chláir caiteachais a riarann na gníomhaireachtaí a oibríonn leis an Roinn (Comhairle Spórt na hÉireann, Rásaíocht Chapall na hÉireann and Bord na gCon).

Táscairí d’fhorbairt spórt agus d’fheidhmiúchán chur chun cinn a aithníodh agus a léiríodh i bPleananna Straitéise Chomhairle Spórt na hÉireann, Rásaíocht Chapall na hÉireann agus Bhord na gCon agus a tuairiscíodh ina dTuarascálacha Bliantúla.

Athbhreithniú cláir ar chaiteachas Chomhairle Spórt na hÉireann críochnaithe.

Straitéis nua Chomhairle Spórt na hÉireann 2006-2008 á hullmhú.

Plean nua Forbartha Caipitil 5 bliana foilsithe ag Rásaíocht Chapall na hÉireann.

Tá athbhreithniú á dhéanamh ar na Comhpháirtíochtaí Áitiúla Spórt Críochnaithe faoi lár 2005.

Athbhreithniú Caiteachais le bheith críochnaithe in 2005.

Teacht a bheith go héasca ar shaoráidí spóirt agus caithimh aimsire go náisiúnta.

Cur i bhfeidhm éifeachtach agus feidhmiúil den Chlár Caipitil Spórt.

Cuirtear fáilte roimh iarratais gach bliain, déantar measúnuithe agus leithdháilte laistigh de cheithre mhí de dháta deiridh an iarratais.

Íocaíochtaí deontais déanta faoin gClár ar bhealach éifeachtach caoithiúil.

Méadú ar dheiseanna do dhaoine ó gach aoisghrúpa páirt a ghlacadh i sport.

Leibhéil saothraithe á bhfeabhsú trí shaoráidí cuí a bheith ar fáil.

Méadú ar an eolas a thugtar a spreagann éifeachtacht níos fearr i bhfeidhmiúchán an Chláir Chaipitil Spórt.

Forbairt agus cur i bhfeidhm na Straitéise nua Saoráidí Spórt.

Iniúchadh náisiúnta de shaoráidí áitiúla spórt le críochnú.

Grúpa Stiúrtha idir-Rannach a bhunú faoi lár 2005.

Tabhairt faoi phróiseas comhairliúcháin leis na comhlachtaí poiblí agus na príomhchomhlachtaí atá bainteach le soláthar saoráidí spórt faoi lár 2005.

Clár bainistithe níos éifeachtaí.

Straitéis agus Iniúchadh críochnaithe faoi dheireadh 2006.

Ar Lean

Scrúdú rialta ar thionscadail an Chláir Chaipitil Spórt Agus é mar aidhm riarachán, próiseas déanta cinntí agus leibhéil ghéilliúlachta a bhreisiú.

Riarachán ar Fhaoiseamh Cánach maidir le tabhartais do thionscadail faoin caipitil spórt.

Cur i bhfeidhm éifeachtach feidhmiúil Chlár Linn Snámha na nÚdarás Áitiúil.

Athbhreithniú iomlán ar chaiteachas ar an gClár Linn Snámha.

Scrúdaíodh ar a laghad 40 tionscadal lena n-áirítear íosmhéid de 5% de leibhéil deontas in aghaidh na bliana.

Próiseáladh gach iarratas faoi scéim ar bhealach caoithiúil éifeachtach.

Tús curtha le hobair thógála ar shé linn snámha bainte amach in aghaidh na bliana.

Idirchaidreamh níos gaire bainte amach leis an gClár Caipitil Spórt ar iarratais do thionscadal linn snámha na n-údarás áitiúil le linn clár na bliana 2005.

Athbhreithniú caiteachais ar Linnte Snámha críochnaithe faoi Mhárta 2005.

Moltaí ón athbhreithniú curtha i bhfeidhm go luath sa bhliain 2006.

Clár do dheontais níos daingnithe.

Méadú sa líon linnte snámha poiblí in aghaidh an duine sa daonra bainte amach.

Feabhas tagtha san úsáid a bhaintear as na linnte snámha poiblí.

Clár oibrithe níos éifeachtaí.

Forbairt ar Champas agus Staidiam Éireann i mBaile an Aba a éascú.

Forbairt Champas agus Staidiam Éireann a chur ar bhonn reachtúil.

Cistiú Vóta a riar don Spórtlann Uisce Éireann i mBaile an Aba.

Cinneadh an Rialtais maidir le húsáid Bhaile an Aba, i gcomhar leis an tiomantas i gClár an Rialtais, a lorg, agus an tionscadal aontaithe ag an Rialtas a chur i bhfeidhm.

Tréimhse ina ndréachtaítear an reachtaíocht ón uair a thugtar cead a chinn.

Leibhéal feiliúnachta agus slándáil na frámaíochta íocaíochta.

Clár i bhfeidhm do chlár saoráidí a chur ar fáil, i gcomhar le cinneadh an Rialtais.

Bunú Champas agus Staidiam Éireann mar Ghníomhaireacht Reachtúil faoi dheireadh 2006.

Tionscadal maoinithe go sásúil.

Campas curtha ar fáil i mBaile an Aba i gcomhar le cinneadh an Rialtais.

Rátaí méadaithe rannpháirtíochta agus oiliúna i spórt i measc daoine de gach aoisghrúpa/caighdeán.

Aguisín 4

Forbairt Eagraíochtúil

Sprioc Ardleibhéil

Tacú le cur i bhfeidhm mhisean agus spriocanna earnálacha na Roinne agus tacú le foráil de sheirbhís custaiméara d’ardchaighdeán, trí struchtúir eagraíochtúla agus struchtúir tacaíochta bhreisithe, scileanna agus ábaltachtaí na foirne a fhorbairt i gcomhar le clár nuachóirithe na státseirbhíse.

Straitéis

Aschuir

Táscairí Feidhmiúcháin

Toradh

Forbairt Leanúnach den Fhrámaíocht Straitéiseach Bainistíochta.

Pleananna bliantúla gnó athbhreithnithe d’fhonn éifeacht a thabhairt do Ráiteas Stráitéise na Roinne.

Próiseas Comhpháirtíochta neadaithe.

Plean Bliantúil Gnó na Roinne ullmhaithe agus foilsithe ar an Suíomh Gréasáin faoi Mhárta gach bliain ó 2004 amach.

Iniúchadh uair sa ráithe ar nascaireacht idir Córas Bainistíochta agus Forbartha Feidhmíochta agus pleananna gnó/cuspóirí straitéiseacha.

Tuarascáil Bhliantúil foilsithe faoi Aibreán gach bliain.

Réimse saincheisteanna aontaithe trí Chomhpháirtíocht.

Líon cruinnithe an Choiste Comhpháirtíochta & na bhfoghrúpaí.

Athbhreithniú Bliantúil ar obair na Comhpháirtíochta.

Plean Gnó do 2004 críochnaithe Feabhra 2004.

Tuarascáil Bhliantúil do 2003 foilsithe Lúnasa 2004.

Thionóil an Coiste Comhpháirtíochta sé huaire sa bhliain 2004. Áirítear leis na saincheisteanna a pléadh:

• Straitéis oiliúna na Roinne agus plean forbartha.

• Cairt an Chustaiméara

• Plean Gnímh an Chustaiméara

• Straitéis Acmhainní Daonna

• Plean Gnímh agus Tuarascáil Dul Chun Cinn ar Dhul Chun Cinn a Inbhuanú don Ghrúpa

62 Straitéis Aschuir Táscairí Feidhmiúcháin Toradh

Clár nuachóirithe na seirbhíse poiblí leathnaithe amach chuig na comhlachtaí atá faoi scáth na Roinne.

Tuarascálacha ar dhul chun cinn curtha faoi bhráid na Roinne de réir na riachtanas lárnach.

Fíorúcháin Feidhmíochta.

• Straitéis Theicneolaíocht na Faisnéise

• Plean Gnó na Roinne 2003

• Géilliúlacht ar an gCóras Bainistíochta agus Forbartha Feidhmíochta.

• Iniúchadh ar Scileanna.

Bhain gníomhaireachtaí amach na riachtanais tuairiscithe faoi théarmaí Dhul Chun Cinn a Inbhuanú.

Ábaltacht agus solúbthacht eagríochtúil a bhreisiú.

Straitéis Lánpháirtithe Acmhainní Daonna.

An Córas Bainistíochta agus Forbartha Feidhmíochta curtha i bhfeidhm.

Straitéis Acmhainní Daonna Athbhreithnithe curtha i bhfeidhm faoi Aibreán 2003.

Plean athbhreithnithe d’atreoshuímh d’fheidhm Bhainistíocht na nAcmhainní Daonna curtha i bhfeidhm faoi Mheitheamh 2003.

Oiliúint curtha ar gach ball den fhoireann i gCuid 3 faoi Aibreán 2003.

Scálaí ama difriúla de thimthriallta sa Chóras Bainistíochta agus Forbartha Feidhmíochta na n-iar-Ranna le hathailíniú faoi Aibreán 2003.

An dara timthriall den Chóras Bainistíochta agus Forbartha Feidhmíochta do gach ball foirne le críochnú faoi Mhárta

Tá ag éirí go maith le cur i bhfeidhm Straitéis na nAcmhainní Daonna 2003-2005 de réir chlár ama an chuir i bhfeidhm.

Gach ball foirne den Roinn oilte i ngach ceann de na 3 chuid den Chóras Bainistíochta agus Forbartha Feidhmíochta.

Gach ball foirne ag feidhmiú ar an scála ama céanna don Chóras Bainistíochta agus Forbartha Feidhmíochta.

Athbhreithniú déanta ar Chóras Bainistíochta agus Forbartha

63 Straitéis Aschuir Táscairí Feidhmiúcháin Toradh

Straitéis Oiliúna Athbhreithnithe agus clár mionsonraithe oiliúna.

2004 agus le leanúint ar aghaidh ar bhonn céimneach.

An Coiste Comhpháirtíochta curtha ar an eolas faoi chur i bhfeidhm den Chóras Bainistíochta agus Forbartha Feidhmíochta uair sa ráithe.

Clár oiliúna mionsonraithe athbhreithnithe don Roinn bunaithe ar anailís sonraí den Chóras Bainistíochta agus Forbartha Feidhmíochta, curtha i bhfeidhm faoi Mheitheamh 2003.

Plean oiliúna na bhForas Cultúrtha bunaithe ar anailís ar shonraí den Chóras Bainistíochta agus Forbartha Feidhmíochta curtha i bhfeidhm faoi Mheitheamh 2003.

Líon na foirne oilte i scileanna lárnacha agus ábaltachtaí sa Roinn.

Caiteachas oiliúna ag 4% ar a laghad de chostais an phárolla

Feidhmíochta le teorainneacha ama nua chun an próiseas a neadú.

Coimre déanta don Choiste Comhpháirtíochta ar bhonn rialta.

Clár Oiliúna agus Forbartha do gach ball foirne i gCeanncheathrú na Roinne forbartha, bunaithe den chuid is mó ar anailís ar shonraí den Chóras Bainistíochta agus Forbartha Feidhmíochta.

Tosaíodh ar chur i bhfeidhm an chláir leis an bhfoireann shinsearach

i Márta 2004 agus leanadh leis le linn 2004. An clár le bheith críochnaithe faoi Bhealtaine 2005.

Tús curtha le forbairt Phlean Oiliúna na bhForas Cultúrtha.

Oiliúint bunaithe ar phleananna indibhidiúla den Chóras Bainistíochta agus Forbartha Feidhmíochta agus ar riachtanais aitheanta na heagraíochta curtha i bhfeidhm le linn na bliana.

Ba 2% de chostais an phárolla an caiteachas

64 Straitéis Aschuir Táscairí Feidhmiúcháin Toradh

Cur i bhfeidhm den Fhrámaíocht Bainistíochta Faisnéise.

faoi dheireadh 2003.

Amchlár nua do chur i bhfeidhm sa Roinn faoi Mhárta 2003.

Córas i bhfeidhm deireadh 2004.

do 2004.

Athbhreithniú déanta ar uasghrádú den chóras reatha ach é diúltaithe.

Plean gnó agus sainsonraí ullmhaithe do sholáthar den chóras feiliúnach.

Meastóireacht déanta ar rogha eile – úsáid d’ionad na Seirbhísí Roinnte Airgeadais i gCill Airne.

Cinneadh déanta dul chun cinn leis an rogha do Sheirbhísí Roinnte Airgeadais.

Spriocdháta athbhreithnithe don chur i bhfeidhm socraithe do dheireadh Mhárta 2005.

An polasaí státseirbhíse ar chomhionannas deiseanna a chur i bhfeidhm.

Polasaí comhionannais forbartha.

Polasaí comhionannais curtha i bhfeidhm agus promhadh déanta ar pholasaithe Acmhainní Daonna i gcomhair comhionannais.

Ionadaíocht na mban méadaithe mar a leanas faoi 2005:

- I ngrád PC ó 41% go 45%

- I ngrád PO ó 33% go 40%.

Monatóireacht déanta ar shaincheisteanna ag a mbíonn tionchar ar dhul chun cinn gairme go háirithe i ngráid ghairmiúla/na Roinne.

Leanúnach mar chuid de chur i bhfeidhm Straitéise na nAcmhainní Daonna.

Bunaíodh coiste stiúrtha agus fochoiste i Meitheamh 2004 chun maoirseacht a dhéanamh ar thionscnaimh chomhionannais. Aontaíodh ar theimpléad chun an t-athbhreithniú a dhéanamh. Tá na teimpléid chríochnaithe ó na Gníomhaireachtaí Stáit á meas faoi láthair ag an Údarás Comhionannais.

65 Straitéis Aschuir Táscairí Feidhmiúcháin Toradh

Tuarascálacha ar dhul chun cinn.

Dul chun cinn tuairiscithe i dTuarascálacha Bliantúla.

Ag deireadh 2004, bhí ionadaíocht mar a leanas:

- I ngrád PC 41% de mhná

- I ngrád PO 33% de mhná.

Táthar ag déanamh monatóireachta ar shonraí ar bhonn leanúnach.

Dul chun cinn tuairiscithe i dTuarascáil Bhliantúil 2002/3

Seirbhís d’ardchaighdeán a sholáthar dár gcustaiméirí.

Cairt do Sheirbhís Ardchaighdeáin an Chustaiméara, lena n-áirítear Polasaí ComhStádais.

Cairt i bhfeidhm agus foilsithe faoi Bhealtaine 2003.

Cuspóirí na Cairte curtha i bhfeidhm.

Foireann oilte ar pholasaí comhstádais

Monatóireacht déanta ag an gCoiste Comhpháirtíochta ar chur i bhfeidhm na Cairte gach sé mhí.

Tuairisc déanta ar dhul chun cinn i dTuarascálacha Bliantúla.

Cairt curtha i bhfeidhm Bealtaine 2003.

Táthar ag leanúint le cur i bhfeidhm agus le monatóireacht ar chuspóirí na Cairte.

Thaispeáin monatóireacht a rinneadh ar anailís ar aiseolas trí chártaí tráchta Saorphoist do Chustaiméirí go dtí Meán Fómhair 2004 gur cheap 93.4% de na daoine a líon na cártaí go raibh seirbhís na Roinne de réir nó níos fearr ná mar a bhítear ag súil léi.

Monatóireacht déanta ar Phlean Inmheánach Gnímh an Chustaiméara agus é curtha i ngníomh i gcomhar leis an líonra inmheánach caidrimh don chustaiméir.

66 Straitéis Aschuir Táscairí Feidhmiúcháin Toradh

Géilliúlacht leis an Acht um Shaoráil Faisnéise.		Déantóirí cinntí oilte. Nósanna imeachta uasghrádaithe i gcomhar le dea-chleachtas. Feidhmiú céimneach déanta chuig comhlachtaí cuí faoin Roinn ar Shaoráil Faisnéise.			Gach déantóir cinntí oilte, intí, agus nósanna imeachta uasghrádaithe ar an Acht um Shaoráil Faisnéise (Leasaithe) 2003. Feidhmiú céimneach chuig comhlachtaí cuí críochnaithe.
5	Teicneolaíocht na Faisnéise a fhorbairt agus a bhainistiú d’fhonn tacú le misean agus cuspóirí na Roinne a chur i bhfeidhm.		Athbhreithniú ar Straitéisí Theicneolaíocht na Faisnéise na n-iar-Ranna agus Straitéis Theicneolaíocht na Faisnéise 2003-2006 na Roinne nua forbartha. Athbhreithniú lártéarmach ar Straitéis Theicneolaíocht na Faisnéise.	Straitéis nua Theicneolaíocht na Faisnéise 2003-2006 i bhfeidhm faoi Aibreán 2003. Críochnaithe faoi dheireadh 2004.		Comhaontú faighte ar Straitéis Theicneolaíocht na Faisnéise agus í curtha i bhfeidhm deireadh mhí na Nollag 2003.
6	Polasaithe Shochaí na Faisnéise agus na Seirbhíse r-Phobail a neadú in eagrúchán agus i bpleanáil na Roinne.		An úsáid is mó a fháil as acmhainn leictreonach chun faisnéis a scaipeadh. Measúnú leanúnach ar infheidhmeacht na bpolasaithe sin d’oibríochtaí na Roinne. Roghanna do rObair.	Uasghrádú agus monatóireacht rialta a dhéanamh ar shuíomh gréasáin na Roinne. Chur chun cinn an phróisis iarratas Ar-Líne a éascú agus cothabháil bhunachar sonraí Scéim na nDeontas Caiptil Spórt. Straitéisí cuí ar an tSeirbhís r-Phobail a chur i bhfeidhm i bpróiseas pleanála agus oibriúcháin na Roinne. Machnamh a dhéanamh ar roghanna de rObair sa Roinn i gcomhthéacs fhorbairt agus chur i bhfeidhm Straitéis Athbhreithnithe na nAcmhainní Daonna faoi dheireadh 2003.		Monatóireacht ar an Suíomh Gréasáin déanta agus tacaíocht faighte ó chomhairleoir bogearraí. Próiseas Iarratas Ar-Líne do Dheontais Chaipitil Spórt breisithe sa bhliain 2002. Tá an Coiste Comhpháirtíochta ag leanúint dá scrúdú ar roghanna don rObair. Rinne an Roinn anailís ar an scóip de phoist laistigh dá struchtúr reatha a d’fhéadfadh a bheith

67 Straitéis Aschuir Táscairí Feidhmiúcháin Toradh

feiliúnach do rObair.

Cur chuige do rObair athbhreithnithe ag deireadh 2003 i bhfianaise an díláraithe.

Iniúchadh agus ábaltacht meastóireachta na Roinne a fheabhsú.

Cláir bhliantúla d’iniúchadh inmheánach aontaithe ag CCB.

Clár 3 Bliana ar Athbhreithnithe Caiteachais (2002-2004).

Athbhreithniú bliantúil ar an dul chun cinn ar chur i bhfeidhm mholtaí an Athbhreithnithe Chaiteachais agus Iniúchta.

Clár críochnaithe agus moltaí aontaithe agus curtha i bhfeidhm.

Athbhreithniú críochnaithe i gcomhar le spriocanna ama an chláir.

% de na moltaí a cuireadh i bhfeidhm.

Críochnaíodh sraith d’iniúchtaí córais-bhunaithe de réir an chláir bhliantúil aontaithe iniúchta. Socraíodh ar aontú ar fhormhór na moltaí iniúchta, atá á gcur i bhfeidhm.

Athbhreithniú Caiteachais críochnaithe don Chlár Caipitil Spórt.

Athbhreithniú ar chaiteachas Chlár na Linnte Snámha tosaithe ag deireadh 2003.

Athbhreithniú ar dhul chun cinn iniúchta críochnaithe le linn 2003 trí líon áirithe beartas a d’éirigh as Tuarascáil an Ghrúpa Oibre ar Fhreagracht na nArd-Rúnaithe agus na nOifigeach Cuntasaíochta , Tuarascáil Mhullarkey.

Áiríodh ar na sainghníomhartha a rinneadh Coiste Iniúchta a bhunú d’fhonn maoirseacht inter-alia a dhéanamh ar chur i bhfeidhm mholtaí an iniúchta agus tús a chur le Bainistíocht Riosca.

68 Straitéis Aschuir Táscairí Feidhmiúcháin Toradh

Dúnadh foirmiúil an Chláir CSF 1994-1999 i réimse na Turasóireachta.

Críoch na dTuarascálacha Deireanacha agus na n-iniúchtaí ar Chlár Oibriúcháin na Turasóireachta faoi dheireadh Mhárta 2003 i gcomhar le riachtanais na Roinne Airgeadais agus an AE.

An 20% deireanach de mhaoiniú an chláir faighte faoi dheireadh 2003 (sprioc ama íocaíochta ag brath ar an gCoimisiún Eorpach).

An Tuarascáil Dheireanach ar Chlár Oibriúcháin na Turasóireachta críochnaithe, mí Feabhra 2003. Bhí obair leanúnach i gcomhar leis an Roinn Airgeadais agus leis an gCoimisiún Eorpach ag leanúint ar aghaidh ag deireadh 2004.

AGUISÍN 5

Tuairisc Airgeadais

TÁIRGEACHT 2004

CLÁR CAITEACHAIS

Meastachán *

Táirgeacht

€000

Riarachán

Tuarastail, Pánna & Liúntais

17,913

17,367

Taisteal & Liúntais Chothaithe

360

310

Costais Theagmhasacha

635

406

Seirbhísí Poist & Teileachumarsáide

585

498

Innealra Oifige & Soláthairtí Eile Oifige

1,196

751

Costais Áitreabh Oifige

776

782

Seirbhísí Comhairleoireachta

365

208

Fógraíocht & Poiblíocht

150

Iomlán

21,980

20,399

Seirbhísí Turasóireachta

Fáilte Ireland - (Deontas i gCabhair)

62,259

62,088

Tourism Ireland Limited - Deontas do Riarachán & Gnáthchostais

16,619

Cuideachta Forbartha SaorAerfort na Sionna Teoranta – Riarachán &

Gnáthchostais (Forbairt na Turasóireachta) (Deontas i gCabhair)

858

Fóirdheontas Iasachta don Scéim Mhéadaithe Gnóthais Bheaga (Turasóireacht)

-Íocaíochtaí do Bank of Scotland plc

Ciste Margaíochta na Turasóireachta (Ciste Deontais i gCabhair)

31,485

Forbairt Táirgí Turasóireachta (Deontas i gCabhair)

2,500

Iomlán

113,791

111,105

Seirbhísí Spórt agus Caithimh Aimsire

Deontais do Chomhlachtaí Spóirt & Foráil Saoráidí Spórt agus Caithimh Aimsire

(Maoinithe ag an gCrannchur Náisiúnta)

83,597

80,704

Deontais d’Fhoráil & d’Athchóiriú na Linnte Snámha

15,000

17,586

Comhairle Spórt na hÉireann –Riarachán &

Gnáthchostais (Deontas i gCabhair)

Comhairle Spórt na hÉireann -Gnáthchuidiú d’Eagraíochtaí Spórt & Caiteachas eile

maidir le Gníomhaíochtaí Spórt (Deontas i gCabhair)(Maoinithe ag an gCrannchur Náisiúnta)

29,000

Campas Spórt na hÉireann

2,700

1,994

Iomlán

132,050

131,037

Ealaíon & Cultúr

Íocaíochtaí a Chomhoiriúnann Acmhainní ginte ag Ard-Mhúsaem na hÉireann, ag

an Leabharlann Náisiúnta agus ag an gCartlann Náisiúnta (Deontas i gCabhair)

750

679

Gnáthchostais Ard-Mhúsaem na hÉireann, na Leabharlainne Náisiúnta & na Cartlainne Náisiúnta

11,659

11,711

Gnáthchostais Mhúsaem NuaEalaíne na hÉireann, Leabharlann Chester Beatty, An Ceoláras Náisiúnta & Comhairle Comhairleach na

Cartlainne Náisiúnta (Deontas i gCabhair)

7,799

Tionscadail Chultúrtha

4,298

4,192

Forbairt Chultúrtha

14,911

12,522

An Ciste Oidhreachta

2,539

Malairt Chultúrtha Idirnáisiúnta

3,000

2,728

Margaíocht

An Chomhairle Ealaíon (Deontas i gCabhair)

33,992

An Chomhairle Ealaíon (Maoinithe ag an gCrannchur Náisiúnta) (Deontas i gCabhair)

20,508

Iomlán

99,457

96,670

Scannán

Bord Scannán na hÉireann – Costais Riaracháin (Deontas i gCabhair)

1,845

Bord Scannán na hÉireann – Caiteachas Caipitil (Deontas i gCabhair)

10,000 10,000

Iomlán:

11,845

Ciste Rásaíocht Chapall & na gCon

66,914

Cluichí Speisialta Oilimpeacha Domhanda an tSamhraidh 2003 –Deontas chun

na Cluichí a Reáchtáil

1,000

Uachtaránacht an AE – Ócáidí & Clár Cultúrtha

3,950

3,616

Oll-Iomlán Caiteachais

450,987

442,586

Lúide Admhálacha (Leithreasuithe i gCabhair)

6,600

3,140

Iomlán Glan Caiteachais

444,387

439,446

* Áirítear Meastachán Breise leis na figiúirí Meastacháin - €20 milliún Fotheideal C1.

RÁITEAS SÓCMHAINNÍ AGUS DLITEANAIS MAR ATÁ 31 NOLLAIG 2004

€000

Sócmhainní Caipitil

2,598

Sócmhainní Reatha

Stoic

107

Réamhíocaíochtaí

438

Ioncam fabhraithe

Iarmhéid Dochair Eile:

495

Iarmhéid & Airgead Tirim PMG

3,336

Iomlán Sócmhainní Reatha

4,446

Dliteanais Reatha

Costais Fabhraithe

871

Iarmhéid Sochair Eile:

1,637

Dliteanas Glan don Státchiste

2,194

Dliteanas Reatha Iomlán

4,702

Sócmhainní Reatha Glan

(256)

ócmhainní Glan

2,342

AGUISÍN 6

STRUCHTÚR na hEAGRAÍOCHTA

				Príomh-Oifigeach Susan McGrath Acmhainní Daonna & TBS
		Príomh- Rúnaí Cúnta *Paul Bates*		Oifigeach Francis Rochford Margaíocht Turasóireachta & Cur Chun Cinn Polasaí
				Príomh-Oifigeach Eugenie Deegan Forbairt Turasóireachta & Polasaí Oiliúna
				Príomh-Oifigeach Joe Timbs Airgeadas & Spórt
		Príomh- Rúnaí Cúnta Con Haugh		Oifigeach Paddy Heffernan Rannóg Spórt 1
				Príomh-Oifigeach Helen Nugent Rannóg Spórt 2
An tAire *John O'Donoghue, TD*	Ard-Rúnaí *Philip Furlong*		Príomh-	Oifigeach Chris Flynn Tionscadail Speisialta na bhForas Cultúrtha & Seirbhísí Theic. na Faisnéise
		Príomh-	Oifigeach	Barry Murphy Ealaíona, Scannán & Ceol
		Príomh-	Oifigeach	Liam Fitzgerald Forais Chultúrtha
		Rúnaí Cúnta *Michael Grant*		Stiúrthóir Dr. Patrick Wallace Ard-Mhúsaem na hÉireann *
			Stiúrthóir	Aongus Ó hAonghusa An Leabharlann Náisiúnta *
			Stiúrthóir	David Craig An Chartlann Náisiúnta

Tuairiscíonn Aonad Iniúchta Inmheánaigh na Roinne go díreach chuig an Ard-Rúnaí.

*Rinneadh cuideachtaí féinrialaitheacha d’Ard-Mhúsaem na hÉireann agus den Leabharlann Náisiúnta, faoi réir Ordú an Aire, i mí na Bealtaine 2005.

0			3
Stiúrthóir		3 0 3
Príomh-Oifigeach		6 3 9
Príomh-Oifigeach Cúnta	13.8		9.3		23.1
Cuntasóir Proifisiúnta	0		1		1
Ard-Oifigeach Feidhmiúcháin	18		12.4		30.4
Oifigeach Riaracháin		1 0		1
Oifigeach Feidhmiúcháin	13		24.98		37.98
Oifigeach Foirne	0		3.3		3.3
Oifigeach Cléireachais	31		44.8		75.8
Oifigeach Seirbhísí	7		1		8
Freastalaí Sinsearach	5		0		5
Freastalaí Seirbhísí	4		0		4
Foireann an Aire ar Conradh	2		1		3
Glantóir		0 7 7
Airíoch		1 0 1
Coimeádaí		9 2 11
Cartlannaí Sinsearach	1		2		3
Cartlannaí		3 4 7
Oifigeach Caomhnúcháin	1		2		3
Coimeádaí Cúnta Grád 1	7		9.1		16.1
Coimeádaí Cúnta Grád II	6		24		30
Oifigeach Nithe Buanchoimeádta	1		0		1
Oifigeach Sinsearach Teicniúil	1		0		1
Oifigeach Teicniúil	1		0		1
Cúntóir Sinsearach Teicniúil	1		1		2

AGUISÍN 7	BRISEADH SÍOS NA FOIRNE DE RÉIR GRÁID AGUS INSCNE (mar atá 31 Nollaig 2004)
*Fireann*	*Baineann*		Iomlán
Ard-Rúnaí		1
1		Rúnaí Cúnta

Grád

Cúntóir Teicniúil	3		15	18
Cúntóir Sinsearach Leabharlainne	3		0	3
Cúntóir Leabharlainne Grád I	5		0.75	5.75
Cúntóir Leabharlainne Grád II	3		1	4
Cúntóir Leabharlainne Grád III	12		4	16
Freastalaí Eolaíochta agus Ealaíne	55.7		8.08	63.78
Grianghrafadóir Sinsearach	0		1	1
Grianghrafadóir		1 0 1
Ceann na bhFreastalaithe	1		0	1
Cló-eagraí agus Ceangaltóir Leabhar	0		1	1
Seandálaí (AKII)	0		2	2
Teileafónaí ar mhíchumas Amhairc	0		0.8	0.8
Ábhar Oifigigh Chléireachais	1		2	3
Ealaíontóir Sinsearach Grafaice	1		0	1
Ealaíontóir Grafaice	1		0	1
	_____		_____	_____
Iomlán		226.5 187.51 414.01

Aguisín 8

Clár Caipitil Spórt

Leithroinnt 2004

Ceatharlach		€632,000
	Cumann Sacair/Leadóige/Ghalf dhá Mhaide Mhuine Bheag	€60,000
	CLG Bhalana	€40,000
	Cumann Pháirc Chuimhneacháin Ben Mulhall	€60,000
	Cumann Spórt agus Sóisialta Cheatharlach	€20,000
	CLG Éire Óg	€200,000
	Cumann Peile Buachaillí Dhaire Nua	€2,000
	Cumann Cispheile Sheanleithghlinne	€10,000
	CLG Sheanleithghlinne	€10,000
	CLG Phalaitínigh Chnoc Arda	€45,000
	CLG Ráth Bhile	€45,000
	CLP Buachaillí N. Pádraig	€70,000
	CLG Tinne Ruitleáin	€70,000
An Cabhán		€1,075,000
	Iontaobhas Ollionad Fóillíochta agus Spórt Bhéal Átha na nEach Teo	€70,000
	Saoráid Ilchuspóireach Bhéal Átha hÉis f/ch CLG Bhéal Átha hÉis, Club Lúthchleas Annalee	€20,000
	Cumann Sacair Bhaile Shéamais Dhuibh	€50,000
	Comhairle Baile an Chabháin – Páirceanna Imeartha Thulach Mongain	€50,000
	Coiste Bhreifne Uí Raghallaigh An Cabhán	€150,000
	CLG na Muinchille	€20,000
	CLG Chrois ar Loch	€70,000
	CLG Dhroim an Laoi	€15,000
	Forbairt Pobail na Cille Teo	€60,000
	Club Liathróid Láimhe agus Raicéid Dhún an Rí	€100,000
	CLG Cheiltigh an Leacain	€150,000
	CLG Mhullagh Odhráin	€80,000
	Saoráidí Spórt & Áineasa na Searcóige Teo	€65,000
	CLG Teampall an Phoirt N. Aodán	€100,000
	Cumann Rugbaí Achadh an Iúir	€75,000
An Clár		€1,727,000
	CLG Banner	€30,000
	Club Fo-Uisce na Boirne Teo	€20,000
	Cumann Fóillíochta Lúthchleas & Spórt Chluain Lára Teo.	€150,000
	Forbairt Pobail CLG Chora Finne	€20,000
	Coiste Forbartha CLG na Creatalaí	€150,000

	Tionól Pobail RAPID na hInse	€90,000
	Club Fo-Uisce na hInse	€20,000
	Comhairle Baile na hInse – Ionad Bhóthar na Laoi	€700,000
	Ionad Áineasa agus Fóillíochta Inis Díomáin	€22,000
	Club Leadóige Chill Dalua Bhéal an Átha	€25,000
	CLG Chill Muire	€25,000
	Cumann Peile Lifford Oldtown	€50,000
	CLG Mhiliuc	€45,000
	CLP Raonaithe na Páirce	€5,000
	CLG N. Nioclás Pháirtín	€30,000
	CLG N. Briocán Lios Dúin Bhearna	€40,000
	Cumann Rugbaí N. Seanán	€160,000
	Cumann Sacair na Tulaí	€70,000
	Cumann Camógaíochta Wolfe Tone	€75,000
Corcaigh		€6,524,000
	Club Rámhaíochta Ard Ó bhFicheallaigh/Ráth Barra	€7,000
	CLG Bhaile an Chollaigh	€70,000
	CLG Ballyhea	€90,000

Philip Furlong

Táscaire an Phlean Forbartha Náisiúnta

Bunlíne

Sprioc don lártéarma

Feidhmiúchán go lártéarma

Tá an méid seo a leanas glactha chuici féin ag an Roinn mar sprioc do na hEalaíona agus do na Forais Náisiúnta Chultúrtha: